DILI - Federasaun
Ciclizmu Timor-Leste (FCTL) fahe sertifikadu ba formandu ne’ebe hasai kursu
konaba komisariu ho nivel basiku ho total 23 pesoas. Presidente Federasaun
Ciclizmu Timor-Leste (FCTL) Ángelo Henrique husu ba formandu sira atu aporveita
sertifikadu ida ne’e ho diak, tuir esperiensia ne’ebe sira hetan iha kursu ida
ne’e, hodi implementa iha eventu nasional no internasional ba sira
ida-idak nia munisipiu.
“Formandu
sira ne’e tuir kursu ho durasaun semana ida iha tinan 2014, ida ne’e
hanesan primeiru kursu basiku ba komisariu sira para atu defini talentu sira
nian hodi uja iha eventu nasional no internasional, i federasaun mos sei
kontinua loke kursu ida ne’e tinan-tinan. Ne’e dunik sira bele aporveita tan
hodi hasae sira nia nivel inklui aumenta esperiensia, atu nune’e sira bele
hatene katak saida mak komisariu,” hatete Presidente FCTL ba Jornalista BT iha
edifisiu CONTL, kinta (14/05).
Ángelo
hatete, iha kursu ne’e hetan total 23 formandu ne’ebe formador mai
hosi USA Internasional. Hosi sira ne’e, so formandu João Matos mak hetan
valor diploma. Nune’e iha biban ida ne’e João Matos hetan kedan
konvite hosi Komisariu Internasional eventu Montabike Chalenge hodi reprezenta
Timor-Leste ba partisipa iha Malaysia ho pozisaun komisariu internasional.
Iha
fatin hanesan Formandu Nelia Marsiana De Deus Soriana Teti hosi estudante UNTL
(Universidade Nacional Timor Lorosa’e) Departementu Desportu hatete, nia senti
kontenti tanba bele hetan oportunidade ida ne’e hodi aumenta tan nia
esperiensia iha parte komisariu iha area bisikleta. “Iha kursu ne’e ami
aprende konaba atleta nia oras no teknik ne’ebe halao durante loron tolu. Maibe
ami mos husu ba federasaun atu loke fali kursu BMX hodi nune’e bele aumenta
diak liutan ami nia konhesementu iha area ciclizmu” dehan Nelia. (BT).
Business
Timor-Leste - Abilio
Sem comentários:
Enviar um comentário