DILI
- Tribunal Distrital Dili (TDD) too ohin loron seidauk bele marka agenda
julgamentu ba kazu partisipasaun ekonomio em negosio nebe involve arguidu
Vicente Guterres actual Presidenti Parlamentu Nasional ho Fransisco Borlaco
tanba seidauk iha karta resposta husi PN rasik.
Tuir
informasaun husi ofisial justisa, Julio Nunes katak, tribunal seidauk bele halo
agenda julgamentu ba arguidu Vicente Guteres ho Fransisco Borlaco tanba too
oras nee tribunal seidauk simu karta resposta PN. Prazu kona ba karta nee
nian, liu ona loron 30 nia laran. Neebe juis sei halo hela konkluzaun ba karta
nee.
Administrador
Tribunal Distrital Dili, Duarte Tilman Soares hatete, Tribunal sei la haruka
tan karta ruma ba iha Parlamentu Nasional. Tanba iha iha kazu Vicenti Guteres
nian nee tribunal haruka ona karta ba maibe to agora Parlamentu rasik laiha
responde ba karta nee. Ho ida nee tribunal mos sei la haruka tan karta ruma ba
Parlamentu nasional relaisona ho kazu Vicenti nian, dehan nia ba jornalista iha
TDD.
Entertantu
membru Parlamentu Nasional husi komisaun A neebe trata asuntu Konstitusionais,
Justisa, Administrasaun Publika, Poder Lokal e Anti Korupsaun deputadu Paulo
Moniz Maia hatete, tuir regras normal nee so notifikasaun mai iha Presidente
Parlamentu Nasional Vicente Guterres mak bele hatene tuir nia iha kazu. I
bazeia ba notifikasaun nee Parlamentu Nasional sei deskuti no halo plenaria ida
para hasai ninia imunidade,maibe to agora mos notifikasaun nee seidauk lee iha
Parlamentu Nasional. Informasaun kompletu iha STL Jornal no STL Web,
edisaun Sesta (22/5/2015). Domingas Gomes
Suara
Timor Lorosae
Sem comentários:
Enviar um comentário