Lokalizasaun Fatin Prostituisaun Tenki Aseita Husi Parte Hotu

DILI - Lokalizasaun fatin prostituisaun iha rai laran, presiza iha konkordansia ou aseitasaun husi parte hotu, atu nunee bele evita prostituisaun ilegal.

Presidente Komisaun F (PN), nebe trata asuntu Saude no Edukasaun, deputadu Virgilio Hornai hatete, lokalizasaun fatin Prostituisaun nee prematur liu atu kolia, tamba nee liga ba politika nia desizaun, aseitasaun hamutuk iha konsensus atu nunee bele evita buat ida prostituisaun ilegal.

Hau hanoin lokalizasaun fatin Prostituisaun nee prematur liu ita kolia, tamba primeiru hanesan ema politiku hau hatete nee parte hanoin diak ida, maibee ita mos lahaluha hanoin mos igreja katolik sira ninia hanoin politika ida nee, para atu nunee ita bele inteira malu, tamba nee liga ba politika ida mais politika ida ninia desizaun nee bele halo bainhira ita iha aseitasaun ida hamutuk iha konsensus ida ba ida nee para atu nunee ita bele evita buat ida prostituisaun ilegal,” dehan deputadu Virgilio ba STL, iha PN, Dili, Sesta (08/05/2015).

Iha fatin hanesan membru komisaun F, nebe trata asuntu Saude no Edukasaun deputadu Eladio Faculto hatete oinsa koloka atu lokaliza nee signifika katak atu bele halo kontrolu mediku ba ema nebe mak halo relasaun prostituisaun, tamba nee nesesidade biologika. Informasaun kompletu iha STL Jornal no STL Web, edisaun Sabado, (9/5/2015). Carme Ximenes

Suara Timor Lorosae