DILI
– Estudante Universidade Nasional Timor Leste (UNTL), Fakuldade FASPOL sobu sai
konstruksaun bendeira rin, tanba bendeira iha edifisiu UNTL Caikoli rua kedan.
Tuir
portavos estudante UNTL Fakuldade FISIPOL, Noe Bernadino Ximenes, liu hosi
press konfres neebe mak halo iha edifisiu UNTL Caicoli, Sesta (12/06) hatete
sira sobu konstruksaun bendeira rin seluk neebe hari iha resintu kampus
Fakuldade Siensia no Sosiasais Politika nia kotuk ho rajaun iha edifisuk UNTL
Caicoli so bele hari bendeira ida deit.
Ami
hasai bendeira rin neebe hari iha kampus nia kotuk tanba laiha sentidu no iha
kondisaun dignu ho rajaun konstruksaun ba bendeira rin foun nee hasai tanba iha
ona konkordansia entre asosiasaun senadu estudantil FASPOL no Medisina tanba
iha ambiente ida bendeira tenke ida deit no hari iha oin laos iha kotuk,” dehan
Noel.
Nia
hatutan atu hatete ba publiku tomak katak informasaun neebe mak espalha ona iha
publiku nia let katak estudante fokit bendeira rin nee sala ou la los, maibe
estudante sobu ou hasai konstruksaun bendeira rin foun neebe mak hari iha
kampus nia kotuk.
Iha
fatin hanesan, Inocencio, Xavier hatutan lalos kuandu iha kampus ida hari
bendeira rua hanesan ida iha kampus kotuk no ida iha kampus oin.
Nunee
mos Sancio Belito Fernandes, hanesan estudante ida nia sente triste tebes tanba
ho problema neebe maka mosu halo sira lakon ona material durante semana rua nia
laran, tanba laiha prosesu aprendijajen. Informasaun kompletu iha STL Jornal no
STL Web, edisaun Sabado (13/6/2015). Thomas Sanches
Suara
Timor Lorosae
Sem comentários:
Enviar um comentário