Parabéns
Feliz Aniversáriu ba Eis Primeiru Ministru no Atuál Ministru planeamentu,
investimentu no Dezenvolvimentu estratéjiku, Eselensia. Kay Rala Xanana
Gusmao ne’ebé halo Aniversáriu ba-dala 69 iha loron 20 Juñu 2015.
Xanana
Gusmao hanesan lideransa Nasaun Timor Leste ne’ebé
durante ne'e hala’o nia responsabilidade ba nia Povu
no Nasaun no hanesan ema gerrilleiru Timor Leste nian.
Antes
ne’e nia mós hanesan ema ne’ebé
involve iha parte desportu liu-liu iha area
tebe-bola no mós toma kargu hanesan Jornalista. Nia
hamutuk ho ema luta na’in seluk iha Timor leste, Luta ba independénsia no
libertasaun ba povu hosi kolónia Indonézia. Ikus mai Forsa Indonézia
kaptura nia iha Lahane, Dili Ocidental no hetan sentensa iha Cipinang Indonézia
too tinan 1999. Alende ne’e Xanana mós involve iha
atividade barak no hakarak tebes Timor
leste hetan Independensia, tanba ne’e, Xanana mós
involve-an iha ho esporsu oi-oin hodi liberta Rai Doben Timor no
Povu hosi kolonia nia ukun.
Xanana
Gusmao nia nivel edukasaun hanesan
remata ensinu sekundária hetan servisu ho
idade 19. Nia kaben ho Kirsty Sword Gusmao, sira
na’in rua iha oan tolu no família ne’e dura to’o ohin
loron.
Hafoin
ukun-an, Iha loron 20 mei 2002, Xanana Gusmao sai
Presidente Timor leste no hetan prémiu
barak husi Nasaun barak. Iha tinan 2007
Xanana sai hanesan primeiru Ministru too
períodu 2012 no kaer nafatin kargu primeiru
Ministru too iha 2014. Lideransa ne’ebé troka nia kargu maka
Sua Eselensia Rui Maria De Araújo. Atualmente, HE Kay Rala la kolen hodi serbí
nafatin povu ho knar hanesan Ministru de Planeamentu, Investimentu no
dezenvolvimentu estratéjiku.
Timor
Express
Sem comentários:
Enviar um comentário