Manager
Operational (MO), Manuel Rangel da Cruz informa, Banco Nacional Comercio de
Timor Leste (BNCTL) iha planu fo kreditu uma ba Funsionario Publiku (FP), maibe
lei ba rai seidauk iha atu garante ninia implimentasaun.
“Iha
Difikuldade ida ne’ebe ami infrenta tanba situasaun lei iha Timor sidauk
prontu,”Manuel Ranger informa ba jornalista sira foin lalais ne’e iha Banku
Central Timor Leste (BCTL) relasiona ho promosaun fo kreditu uma ba FP ne’ebe
fo sai husi BNCTL iha Tinan hirak liu ba no to’o agora Funsionario Publiku
balun hein hela.
Ranger
hatutan, BNCTL halo inisistiva ida ne’e tanba situasaun iha sidade Dili
sabaraut barak tanba ne’e BNCTL hahu ho uma bairu atu nune’e populasaun iha
kapital Dili bele sai ituan-ituan nune’e Governu iha oportunidade atu hadia
maibe hasoru problema mak problema rai.
BNCTL
hala’o ona kontantu ho Munisipio Liquisa hodi hetan duni fatin atu halao
konstrusaun ba uma refere maibe sei iha prosesu laran.
Nia
afirma prosesu ne’ebe parte BNCTL no parte nain ba rai mak iha ona kontaktu
entre Administrador Munisipio Liquisa liu husi karta no seluk tan hodi hein nia
rejultado ne’ebe karik iha Tinan ida ne’e mak iha ona rejultado posituivu mak
BNCTL sei realija nia planu hodi halao ona konstrusaun.
Tuir
nia planu refere halao kleur ona no iha intensaun atu halo lalais maibe
difikuldades ne’ebe mak sira hasoru mak lei ba rai nune’e iha ona negosiasun
entre parte rua inklui Sekertario Estado Teras Propriedade hodi hare ba asuntu
refere tanba ema ne’ebe atu halao konstrusaun ba uma hirak ne’e prontu ona no
hein halao.
“Ema
ne’ebe hakarak halao konstrusaun mos prontu ona falta rai deit, ne’ebe ema
ne’ebe atu halao ne’e ami halao projetu pilotu deit ne’ebe ami sei servisu
hamutuk ho Community House ne’ebe mak halo maibe la konsidera katak sira mesak
mak atu halo bebeik maibe sei fo mos ba ema seluk,”Nia hatete.
Planu
orsamentu ne’ebe mak sei aloka ba konstrusaun refere sidauk klaru tanba depende
ba inflasaun.Ola
Jornal
Nacional
Sem comentários:
Enviar um comentário