PN Hatoo Sentidu Kondelensia Ba Fernando La Sama, Aderito Hugo: Adeus Maun La Sama

DILI - Reprezentante Povu iha Uma Fukun Parlamentu Nasional hatoo sentidu kondelensia ba Ministru Estadu Asuntu Sosial no Ministru Edukasaun Fernando la Sama de Araujo nebe fila hikas ba Aman Maromak ninia kadunan santu, Tersa (2/6/2015) iha Ospital Nasional Guido Valadares.

Vise Presidente PN deputadu Aderito Hugo da Costa hatete, tristeza bo’ot banhira PN rona novidade ida nee I ema hotu hatene katak saudozu Fernando La Sama iha kareira politiku tomak, komesa rezistensia too ohin nia fila ba Aman Maromak nia kadunan santu.

Hanesan ema politiku hakarak hatoo hau nia sentidu kondelensia tomak bo’ot maun La Sama, solidaridade ba familia tomak maun La Sama nian, ba familia bo’ot PD no ba povu tomak nebe ke durante nee simpatia ho maun La Sama ninia vida politika iha politika actual tempu rezistensia ninian atu nasaun Timor Leste bele sai nasaun nebeke soberanu,” dehan deputadu Aderito ba jornalista sira iha PN, Tersa (02/06/2015).

Nia hatete, Saudozu Fernando Lasama mos iha ninia kareira politik kontribui ba iha prosesu politika tomak dezemvolvimentu nasaun ninian too restaurasaun idenpendensia I eleisaun 2012 alende nia rasik kompete iha lista kandidatu ba Presidente Republika, kandidatu ida nebe hetan apoiantes lubuk ida, maibee tamba julgamentu povu ninia iha prosesu demokratiku ida mak lakonsege.

Iha fatin hanesan Vise Presidente bankada FRETILIN, deputada Josefa Pereira Soares hatete, bankada Parlamentar FRETILIN hato kondelensia ba familia enlutada Fernando La Sama I hato mos ba Partidu Demokratiku nebe lakon ninia lideransa nebe hamrik iha sira nia oin. Informasaun kompletu iha STL Jornal no STL Web, edisaun Kuarta (3/6/2015). Carmen Ximenes

Suara Timor Lorosae