POVU HUSU ESTADU REVÉ LEI PENSAUN VITALISIA

Komunidade husi Suku Loi-Olu husu ba Estadu atu halo revizaun ba lei Pensaun Vitalisia, tanba lei ne’e komunidade sira konsidera habokur deit membru Governu no deputadus Parlamentu Nasional (PN).

“Se bele karik Governu halo revizaun ba lei Pensaun Vitalisia, tanba lei ne’e fo vantazen atu habokur deit ba Governu no Parlamentu sira. Tanba ne’e liu husi oportunidade ida ne’e ha’u hato’o ba Prezidente atu hato’o ba Governu halo revizaun ba lei ida ne’e,”husu komunidade Jose Pinto, husi Suco Loi-Olu, Postu Adminsitrativu Uatucarbau, Munisípiu Viqueque, Tersa (23/06).

Hatan ba kestaun refere, PR Taur dehan, ne’e konsensu entre partidu hat ne’ebe mak hetan asentu iha PN atu bele haree ba kestaun ne’e. “Ita espera katak, tinan oin halo revizaun,”tenik PR Taur.

Maibe PR Taur hatutan, kuandu partidu sira la halo revizaun, 2017 kuandu sira tun ba kampanha, povu sira husu, uluk imi promete atuhalo revizaun la halo tan agora imi mai tan ne’e koalia barak, ne’e mos problema bo’ot.

“Ha’u rona rasik husi ibun Prezidente Parlamentu ho bankada sira hotu katak, sira halo esforsu tinan ida ne’e sira halo esforsu ba tinan ida ne’e halo revizaun,”dehan PR Taur.Av

Jornal Nacional