Timor Leste – Portugal Fahe Esperensia Fiskalizasaun Politíka No Prosesu Orsamentu

Parlamentu Nasionál (PN) Timor Leste no Parlamentu Portugal, Kuarta (17/6) hala’o seminariu ida hodi fahe esperensia ba malu kona-ba fiskalizasaun politíka no prosesu orsamentu ninian.

Seminariu nee durante loron 6 Kuarta (17/06) too Tersa (23/06) nebe sei partisipa husi deputado Parlamentu nasional Timor leste no deputado Parlamentu Portugues.

“Seminariu ne’e iha oin rua, seminariu ida agora dadauk ne’e fokus no haree liu ba prosesu elaborasaun orsamentu fiskalizasaun ho mós julgamentu ba kontas liu-liu atu haree kontas estadu hodi halo despeza ne’e ba Tribunál depois mai Parlamentu haree kontas despeza ne’e tuir lolos ona dalan legal ka la’e,”informa vise Presidente PN, Adriano do Nascimento iha seminariu nebe halao iha Hotel Timor-Dili, horseik

Vise Prezidente Parlamentu Nasionál Timor-Leste, Adriano do Nascimento hateten, iha seminariu ne’e deputadu Eduardo Cabrita husi Parlamentu Portugal ne’ebé maka hanesan mós Prezidente Komisaun Orsamentu, Finansas no Administrasaun Públika fahe sira nia prosesu halo orsamentu no prosesu fiskalizasaun depois mós haree fila fali kontas ne’ebé maka Estadu halo.

Nia hatutan, deputadu sira sei kontinua nafatin ho seminariu ida ne’ebé maka ninia topíku ne’e konaba levantamentu imunidade nomos inkompatibilidade.

“Nia sentidu ne’e hanesan por ezemplu deputadu ida nia sai deputadu ao mesmu tempu nia kaer mós orgaun sira seluk bele ka la’e, no ida ne’e maka ami sei deskute hamutuk ho Komisaun E (trata asuntu Etika) PN Timor-Leste nian,”koalia nia.

Nia dehan, seminariu refere parte ida atu Parlamentu Timor-Leste no Portugal hakarak halo komparasaun ba prosesu fiskalizasaun.

“Buat ida aktualiza ne ho prosesu, agora ita nian hanesan ne’e Portugal sira nian mós aktualiza án dadauk. Hanesan ita besik liu ho Portugal, ita nia konstituisaun ho buat sira ne’e besik liu Portugal, no ita mós hanesan asistensia tekníka ne’e barak liu mai husi Portugal, entaun iha ne’e mós hanesan konkretizasaun husi asistensia tekníku Portugal mai Parlamentu TL liu-liu asembleia Repúblika fó asistensia ba Parlamentu Nasionál, ne’e iha kontekstu ida servisu hamutuk, sira hakarak apoiu Parlamentu tanba ne’e maka kuandu iha momentu balun sira aktualiza sira nia informasaun sobre prosesu halo orsamentu, fiskalizasaun ba implementasaun orsamentu,”espelika nia.

Adriano hatutan liu tan katak, seminariu ne’e mós hanesan parte ida atu hametin kooperasaun entre Parlamentu TL no Portugal .

“Vantazen ba deputadu sira iha seminariu ne’e maka, deputadu sira mós aktualiza án ho sira nia dezenvolvimentu ida agora dadauk hanesan problema orsamentu ninian, ne’ebé vantazen maka oinsa deputadu sira bele adapta án no hatene husi maluk deputadu sira husi Portugal konaba nasaun Timor-Leste nia moris, ita nia lejislasaun nomos haklean kapasi dade de análiza orsa mentu, halo orsamentu no haklean liu tan kapasidade fiskalizasaun nomos fó opiniaun sobre buka análiza ba kontas estadu depois de governu gastu nian, ”komenta Adriano. bal

Jornal Nacional