PROBLEMA KONTRUSAUN BA EDIFÍSIU, PDHJ HO ADN DUN MALU

Deputadu Bankada FRETILIN Manuel Castro hateten katak, problema konstrusaun ba edifísiu Providoria Direitus Humanus e Justica (PDHJ) ne’e husi parte PDHJ ho Ajénsia Dezenvolvimentu Nasionál ADN du’un malu.

“Iha semana kotuk ba halo fiskalizasaun iha terrenu sira deskuti malu, PDHJ dehan osan ne’e muda tiha ona ba iha ADN, ADN dehan katak sira tau fali iha orsamentu, maibé depois mai haree fali iha llivru sira ne’e osan iha hela,” informa Manuel Castro,  iha Plenária Parlamentu Nasionál (PN) Tersa feira, (14/7).

Manuel Castro esklarese katak, koalia kona ba kontrusaun edifísiu PDHJ nian, ne’ebé orsamentu ne’e tau iha 2013, iha livru 4 B iha kapital dezenvolvimentu iha seis centos ital mil, ne’ebé iha momentu ne’eb’a transferensia ne’e haree katak, sira gasta tiha ona 2.6%, sira hasai tiha 17 mil.

Maibé dehan Manuel Castro,  iha 2014 tuir esplikasaun ne’ebé PDHJ hateten katak muda hotu ba ADN, i 2015 mós haree duni iha ADN, iha Ministériu planeamentu nia okos kapital dezenvolvimentu hamutuk 34 milloens oito centos i quarenta e quarto mil, ne’ebe foin maka halo despeza 2 milloens.

“Ne’ebé ha’u husu ba Sekretaria Estadu Asuntu Parlamentar, tanba ema halo serbisu ne’e tama iha 65% sira halo to’o ona iha andar tolu nian fui hotu ona maibe Governu to’o agora seidauk selu.

Nia esplika liu tan katak, Iha momentu ne’eba kompania mos hatete kedas, sebele karik halo favor bele selu, sei la selu sira hanoin hakarak atu lori koko tok governu ne’e ba Tribunal , tanba sa mak asina tiha kontratu ne’e hotu tiha sira atu halo tiha servisu to’o tiha ne’eba labele selu.

“Ne’ebé hau hanoin Governu liu liu MInisteriu Planeamentu, orsamentu ne’e iha ne’eba, sebele karik fo hanoin ba ADN atu labele dun malu, sira bele resolve situsaun sira ne’e iha tempu badak,”nia husu.

Entretantu Prezidente Comisaun E Asuntu Infra-Estrutura Transporte e komunikasaun  Pedro dos Martires da Costa hatete katak, sira  ba halao fiskalizasaun iha ne’eba, sira halao tiha obra ne’e 50% ona.

Nia hatete,  sira halo rekerementu pedidu de pagamentu ba iha financas, financas du’un ba ADN, ADN  du’un fali ba PDHJ, PDHJ du’un  ba fali AND no tantu ikus mai  laiha solusaun.

Orsamentu ne’e tau ona iha OJE 2013 ninian, 2014 tanba dezenvolvimentu ne’e konsentradu hotu iha ADN iha kapital infrastrutura, portantu PDHJ atu husu pagamentus sira dehan adiantamentu  iha livru ne’e laiha hotu.

“Iha enkontru ne’e ami atu husu PDHJ hamutuk (AND) hare buka solusaun ba kestaun, tanba ema ne’ebé halo ne’e gasta tiha nia osan barak,nia esplika. eni

Jornal Nacional