Enkontru
Fórum Rejional ASEAN (ARF) ba dala XXII, ne’ebé hala’o ona husi loron 4 to’o 6,
Ministru Negosius Estranjeirus i Koperasaun, Hernani Coelho foti kestaun
kona-ba tasi Timor nian, hodi informa ba nasaun sira husi ASEAN.
ASEAN
Regional Forum (ARF) ne’e, sai hanesan reuniaun regular ne’ebé involve Ministru
Negósiu Estranjeiru sira husi ASEAN, nomos nasaun membru ARF ninian hamutuk 27,
hodi diskute konabá kestaun politika no seguransa iha rejiaun Asia Pasifiku no
mos global. Timor-Leste rasik hola parte hanesan membru organizasaun nian, hahu
kedas iha tinan 2005.
Reuniaun
refere Abertura hahu iha loron 04 Agostu 2015, ho reuniaun Ministru Negósiu
Estranjeiru ASEAN sira nian ba dala-48, hodi diskute konabá assuntu sira ne’ebé
mak relasiona ho atividades politikas, ekonomikas no sosiais iha rejiaun nomos
iha mundu tomak.
“Ami
konkorda malu katak, iha tinan ida ne’e nian laran, sira konvida hau atu bele
ba vizita Filipinas ofisialmente nu’udar Ministru Negósiu Estranjeiru, no ita
mos aproveita oportunidade ne’e konvida fila fali Ministru Negósiu Estranjeiru
Filipinas nian atu vizita Timor-Leste iha tempu badak. Ami mos koalia kona-bá
kestaun ne’ebé pratiku liu, kona-bá dialogu politiku ne’ebé mak Filipinas ho
Timor-Leste bele halao. Relasiona ho kestaun ASEAN, Filipinas mantein nafatin
sira nian pozisaun kona-bá apoiu total ba Timor-Leste atu bele sai membru ASEAN
iha tempu badak. Alende ne’e, ami mos koalia kona-bá kestaun Sul Mar Xina ka
South China Sea no koalia mos kona-bá kestaun Tasi Timor ninian,” dehan Hernani
Coelho, Kinta (06/8).
Reuniaun
Ministru Negósiu Estranjeiru husi nasaun 10 membru ASEAN ninian ne’e,
Timor-Leste hamutuk ho Papua Nova Guiné sai nu’udar konvidadu espesial hodi
tuir iha sesaun abertura ne’e.
Hernani
hatutan, abertura ne’e, hanesan sesaun normal ida kona-bá serimonial ho
intervensaun ne’ebé halo husi Ministru Negósiu Estranjeiru no Primeiru Ministru
Malaysia nian.
Iha
okaziaun ne’e, Hernani Coelho mós iha oportunide hasoru malu ho Primeiru
Ministru Malaysia. Iha sorumutu kortezia ne’e, Hernani hato’o ba Primeiru
Ministru Malaysia kona-bá koperasaun ne’ebé mak durante ne’e Governu Malaysia
ho Timor-Leste halao ona kona-ba, situasaun politika iha rai laran, planu
dezenvolvimentu Timor-Leste nian tuir vizaun 2030, no interese Timor-Leste nian
relasiona ho kestaun ASEAN.
Iha
okaziaun ne’e mós, Hernani atualiza kona-bá Timor-Leste nian involvimentu iha
atividade sira seluk iha rejiaun no mundu, nomos preparasaun Timor-Leste nian
ba reuniaun Assembleia Jeral Nasõens Unidas iha fulan Setembru, iha Nova Iorke.
Hernani
Coelho haktuir katak, Malaysia interesadu tebes iha Timor-Leste nian
dezenvolvimentu, liu-liu konabá koperasaun iha nivel emprezariu sira nian iha
investimentu esternu ne’ebé maka la’o iha Timor-Leste, no sira ne’ebé maka
posivelmente bele loke dalan foun ba koperasaun entre seitor privadu
Timor-Leste ho Malaysia nian, iha área ne’ebé mak konsidera hanesan área
estratejika no interese rai rua nian, iha futuru.
Hafoin
sorumutu ho Primeiru Ministru Malaysia, Hernani Coelho hala’o mos sorumutu ho
Ministru Negósiu Estranjeiru Filipinas, Albert F. Del Rosario, hodi fahe
informasaun ba malu konabá situasaun polítika rai ida-idak nian, nomos diskute
kona-bá assuntu koperasaun ne’ebé Filipina ho Timor-Leste iha. Iha okaziaun
ne’e, parte rua mos konkorda malu katak, iha tinan ida ne’e nian laran sei iha
troka vizita nivel Ministru Negósiu Estranjeiru nian.
Entertantu,
Hernani Coelho hasoru malu mos ho Embaixador Ukraina naun rezidente, ne’ebé
kobre mos Timor-Leste, ho rezidente iha Malaysia, hodi koalia kona-bá kestõens
koperasaun entre Timor-Leste ho Ukraina.
“Ho
Ukraina, konsentra ba área possibilidade ka potensialidade ba formasaun rekursu
humanu, liu-liu área enerjia, tanba Ukraina mos iha esperiensia bo’ot hanesan
pontu pasazen ba industria bo’ot barak iha area gas ninian. Ita hatene katak
situasaun agora iha Ukraina laos fasil, sira liu husi periodu ida hafoin tinan
kotuk mosu diferensa opiniaun entre partidu opozisaun ho Governu,”
Iha
sorumutu ne’e, Hernani aprezenta Timor Leste nia solidariedade no hanoin
kona-bá rezolusaun ba problema sira ne’ebé mak akontese liu husi Timor Leste
nia esperiensia rasik durante tinan 24.
“Ita
hato’o mos esperansa katak, sira bele hetan solusaun ne’ebé sustentavel, atu
nune’e bele retoma fila fali sira nian prosesu dezenvolvimentu ba moris diak.
Kestaun seluk mak koalia konabá sira nian kandidatura ba Konselhu Seguransa ba
membru naun permanente. Ita mos esplika kona-bá prinsipiu sira ne’ebé
Timor-Leste advoka, relasaun kona-bá reforma Konselhu Seguransa no ita nian
pozisaun kona-bá situasaun pas, estabilidade no operasaun pas iha mundu tomak,”
informa Hernani Coelho.
Tuir
programa, iha loron 05 Agostu, Hernani Coelho sei partisipa mos iha reuniaun
Southwest Pacific Dialogue no sei kontinua mos ho reuniaun bilateral ho
Reprezentante rai balun, ne’ebé hola parte mos iha fórum ne’e.cos
Jornal
Nacional
Sem comentários:
Enviar um comentário