GOVERNU SEI MUDA VENDEDORES KARETA HO MOTOR

Xefi Departementu Gestaun Merkaduria Higine Ordem Publika Munisipiu Dili, Bonifasio Soares informa, iha tempu badak Governu sei muda sai vendedores ne’ebe fa’an kareta ho motor segundu mão iha Casa European nia oin to’o Lesidere.

“Ami hala’o ona enkontru ho PNTL liu-liu unidade transzitu iha loron 23 Julhu no fo ona avizu ba vendedores atu muda sai, tanba fatin ne’e, fatin turismu laos fa’an fatin,” dehan Xefi Departamentu GMHOPMD ba Jornalista sira iha nia serbisu fatin Matodoru-Dili, Tersa (04/08).

Nia hatutan, iha dulan ne’e, sei realize enkontru ho MCIA, Ministeriu Turismu, PNTL ho motor no kareta nain hodi deside fatin ba sira atu fa’an ba.

“Ami tur hamutuk koalia hodi desidi fatin, depois mak ami fo avizu ba sira atu muda sai, tanba tasi ibun laos fatin negosiu, maibe fatin turismu,”esplika Bonifasio.

Nia hatutan, iha 2015 husi fulan Janeiru to’o Julhu sira nia ekipa prende ona vendedores roda tolu iha estrada ninin no lao ba mai iha kapital laran hamutuk 48, kompostu husi sira fan modo, ropa, mina rai ho sasan dapur nian.

Sasan ne’ebe prende GMHOPMD sei lafo fila, maibe sei fo ba oan kiak sira ne’ebe mak hela iha orfanatu no gerobak sira sei baku at hotu lori ba fakar iha lisu Tibar.

Tuir Jeronimo nudar negosiante motor iha tasi ibun Ex.Sional nia oin katak, iha ona avizu husi GMHOPMD ho Polisia Transzitu atu labele fa’an iha fatin ne’e. Ne’ebe sira mos kumpri no hein fali reuniaun tuir mai hodi desidi fatin ba sira atu fa’an.des

Jornal Nacional