BABO: POVU MAK EZIJE MUDA LEI XEFE SUKU

DILI - Polítika  hosi governu liuhosi Konsellu Ministru aprova ona esbosu lei no haruka ona ba Parlamentu Nasionál atu diskuti no aprova hodi muda sistema eleisaun xefe suku ne’e ezijénsia povu nian.

Tanba ne’e, preokupasaun públiku nian ba mudansa ne’e, governu konsidera, maibé husu atu verifika didi’ak  foin bele aprejenta krítika hasoru governu.        

Ba Timor Post, Sesta (18/09)  iha MNEK, Ministru Estatal, Dionísio Babo Soarea, klarifika,  Lei xefe  suku númeru  3/2009  ne’ebé vigor iha tinan 2009, povu barak iha terenu kestiona tebes tanba  sistema pakote, no durasaun mandatu xefe  suku eleitu sira ba tinan ne’en, no bele fó oportunidade kandidatu xefe suku sira ba periodu  rua de’it.

Ho mandate Implementasaun iha kraik, xefe  Aldeia sira rona malu mais suku la rona xefe  Aldeia sira, nune’e durante sira hala’o visita ba munisípiu  no postu Admistrativu, hetan lemantasaun hosi povu sobre lei xefe  siku númeru  3/2009.

“Tuir povu sira iha baze durante ami visita, sira lamenta tanba  xefe  suku sira, barak la rona lamentasaun povu,mais sira labele kestiona. No ikus foin lalais ami inkontru ho xefe  suku sira iha salaun Comisaun Nasional Elisaun (CNE) kaikolia xefe  sira barak tebes fó oponiaun katak muda lei refere, ho ne’e , mosu ona hanoin hosi governu atu muda lei refere, tan ne’e rajaun governu troka lei xefe  suku tanba  mai hosi ejijensia povu iha baze,”Responde Babo.

Hatutan eis Ministru justisa ne’e ,durante iha nia mandate, nudar Ministru kordenado Estatal,nia halo konsultasaun ho xefe  suku sira iha munisípiu ,no sira aseita atu troka lei refere.

“Tan ne’e, nudar governante, ha’u tenke rona ema hirak ne’e mai hosi kraik reprejenta povu, laos rona fali sira iha leten ne’ebé fó hanoin de’it , no VI governu mosu opinuan di’ak ne’ebé responde nesesidade povu oinsa hare ba future benefisia ita nia povu. Ho opiniaun sira ne’e,ita troka lei xefe  suku ne’ebé agora esbozu lei refere aprona ona iha Konselhu Ministru hein distribui mai Parlamentu Nasional hodi debate,”   informa nia.

Hodi katak tan,Esbosu lei foun ne’e, justifika ita nia xefe  suku laos poder admistrativu lokal,mais  hanesan asosiasaun komuitario ne’ebé hala’o nia funsaun hanesan ho asosiasaun sira seluk.

“Momentu ami diskuti iha Konselhu Ministru, amigo governante barak la konkorda esbosu lei refere, no sira sejere atu konsulta lai foin bele aplika, mais iha mundu ne’e iha sistema elisaun direita  no in direita,mais ho ami nia   espelikasaun sira  bele iha komprende,mais fiar to’o  lei ne’e implementa,sosidade hotu sei komprende,” klarifika nia.

Antes ne’e, mosu prekupasaun mai hosi sosidade sivil no estudante no públiku katak, esbosu lei xefe  suku agora iha KM, falun intrese polítiku  ba ukun nain sira nia intrese,tanba  lei tuan la fó benefisi ba sira.

Eis Visé Primeiru Ministru Mario Viegas Carrascalão konsidera proposta lei ne’ebé Konséllu Ministru aprova hanesan modalidade antigun nian.

“Situasaun sira ne’e la pratiku, tanba halo fali marsa atras ka lae, katak hadikuk fali, la ba oin, sé la’o ba oin tenke eleisoens direitas, ohin loron ema hili de’it Prezidente Partidu mós ho eleisaun direitas, la liu hosi sistema antigu nian  lae ona, eleisaun direita ne’e posibilidade atu prevene manipulasaun,” Eis Visé Primeiru Ministru Mario Viegas Carrascalão kestiona iha Hotel Timor. (max)

Timor Post