Hela
deit loron hat hodi komemora loron proklamasaun independensia ba dala 40 28 de
Novembru (1975-2015) no selebrasaun tinan 500 reliziaun katolika tama iha Timor
Leste dadaun ne’e komunidade iha kapital Dili ho antusiasmu hodi hafutar
bandeira Republika Demokratika de Timor Leste (RDTL) iha uma oin hodi komemora
importante ne’e.
Eugenio
da Costa nudar komunidade iha Aimutin, hateten nudar komunidade iha konsensia
dada bandeira, tanba loron ne’ebe importante e istoriku teb-tebes ba povu Timor
Leste.
“Dada
bandeira iha uma oin ne’e nudar Timor-oan hatudu espiritu nasionalismu hodi
hikas heroi no beiala nia sakrifisiu ba independensia no relizaun katolika
ne’ebe konsege buras iha Timor. E dada bandeira ne’e hatudu ita nia sentimentu
kontenti ne’ebe kahur ho tristi, tanba molok ita goza independensia selu horan
no ruin,” Eugenio ba JN-Diario, Aimutin-Dili, Tersa (24/11) horseik.
Loron
refere importante no istoriku, tanba iha altura luta ba funu beiala sira ho
hanoin ida katak, sakrifisiu ne’ebe maka sira halo harak Timor hamrik sai
Nasaun Independenti.
Nune’e
mos selebrasaun tinan 500 misionariu tama Timor Leste iha ninia importansia,
tanba prezensa iha Tl produs ema matenek barak no habot Timoroan nia fiar ba
Maromak.
“Misionarius
sira tama mai halo ema barak sai matenek sai edukador, balu sai madre no padre
no seluk tan. e reliziaun katolika ne’ebe buras iha rai ida ne’e,”tenik nia.
Iha
sorin seluk Julio Pinto, nudar komunidade Tasi Tolu haktuir, dada bandeira
laos, tanba Governu mak haruka, maibe iha inisiativu rasik dada bandeira iha
uma oin.
“Ami
dada bandeira iha ami nia uma oin ne’e hodi hanoin hikas ba loron importante
rua ne’ebe determina liberdade no fiar povu Timor nian,”dehan Julio Pinto.
Loron
importante nemos sai hanesan reflesaun ba sarani no povu hotu, hodi hanoin
katak labele halo sira nia sakrifisiu ne’e saugati deit, maibe persiza atu
valoriza no hatutan sira nia ain fatin ba oin hodi dezenvolve rai ne’e no
habelar reliziaun katolika ba oin.
Nunemos
ho Raimundo Lopes nudar negosiante iha area Fatuhada hatudu sentidu nudar ema
Timor oan hodi dada bandeira iha loza oin.
“Ha’u
ema Timor oan iha dever tomak atu dada bandeira iha loza oin hodi hanoin hikas
ita nia proklamasaun independensia ne’ebe sosa ho ran no ruin nomos hodi hanoin
ba beiala ou misionariu nia sakrifisiu hodi lori reliziaun katolika tama iha
Timor,”hateten Raimundo.
Maibe
ho esperansa bo’ot Raimundo hateten, selebrasaun loron refere bele lori rahun
diak nafatin mai povu no nasaun Timor Leste moris iha paz no dame ba
dezenvolvimentu. Ita
Jornal
Nacional
Sem comentários:
Enviar um comentário