DILI
- Vitima kazu Oknum Polisia Nasional Timor Leste (PNTL) neebe deskonfia tiru
Kanek Joven nain tolu iha Postu Administrativu Quelicai, Munisipiu Baucau hatoo
Keixa ba Reprezentante povu iha uma fukun Parlamentu Nasional.
Tuir
Kronolizia neebe konta husi vitima nia Aman Vitorino Ximenes katak,
akontesementu nee iha loron 2 Novembru aktu krime nee akontese, tamba vitima
nain tolu sae motor ida deit, tan nee Polisia hapara no basa tuku vitima sira,
vitima entrega xavi maibe polisia lakohi foti savi no dereita hasai pistola
tiru sira nia ain.
Objetivu
ami nian mai keixa iha Parlamentu komisaun B neebe hare kona ba defeza no
seguransa atu levanta ami nia kazu nee iha plenaria, tanba sira nudar liman ain
povu nian no ami hakarak hatoo ami nia difikuldade neebe ami hasoru,” dehan
Vitoriano ba Jornalista Tersa (17/11/2015) iha uma fukun PN.
Nia
hatete nudar aman ba vitima nain lasimu atetude ida nee, tamba iha lei atu
regula ema sira sae motor la tuir regra, laos atu tiru kilat, kaixa nee mos
familia vitima hatoo tiha ona ba iha komando PNTL, Municipiu Baucau no mos
Ministeriu Publiku.
Hafoin
suimu Keixa husi Vitima, Prezidente Komisaun B Parlamentu Nasional David Dias
Ximenes hatete joven sira sala tranjitu, tamba nain tolu mak sae motor ida deit
nee lalos no sala maibe lolos hasai sira nia kartaun no xave labele hasai.
Hatan
ba kazu nee liu husi kontatu komandu PNTL Munisipiu Baucau Superintendente
Justinho Menezes hatete kazu nee ninia relatoriu hatoo ona ba iha komandu Jeral
PNTL, maibe lolos vitima sira nee autor ba krime neebe akontese tamba sira atu
hadau Pistola membru PNTL ninian. Informasaun kompletu iha STL Jornal no STL
Web, edisaun Kuarta (18/11/2015). Timotio Gusmao
Suara Timor Lorosae
Sem comentários:
Enviar um comentário