OJE 2016 JENERALIDADE PASA HO UNANIMIDADE

Hafoin votasaun, Bankada Fretilin ne’ebe reprezenta husi deputado Joaquim do Santos fo apresiasaun ba OJE 2016 ne’e katak, hakarak foti kritika ruma kona ba reseitas no despezas Estado nian ne’ebe Governu ne’e hetan fiar husi povu.

Deputadu Joaquim dehan, fiar ne’ebe mai kedas husi primeiru Governu to’o VI Governu, bele rejista tanba periodo ida ne’e gasta osan barak, maibe povu kontinua hakilar dehan moris ne’e seidauk diak.

Fiar ida ne’e, nia dehan, povu fiar duni ba Governu ho esperansa katak Governu hala’o ninia kna’ar bele halo transformasaun ba diak ne’ebe signifikativo iha sosiedade no sidadaun sira nafatin lamenta katak moris ne’e seidauk diak, maske iha makro ekonomia bele aponta transformasaun ruma.

“Iha debate ba jeneralidade ne’e mos problema ne’ebe foti nafatin deit hanesan iha tinan hirak liu ba, problema hirak ne’e mosu nudar kauza insusesu iha Governasaun, tanba ne’e iha OJE 2016 ida ne’e presija aponta no foti medidas politika adekuadu ne’ebe bele produs ba transformasaun signifikativa TL no sidadaun nia moris,”dehan Joaquim do Santos.

Iha fatin hanesan xefi bankada CNRT, Natalino do santos, hatete mos katak, los duni montante OJE 2016 kiik liu 2015 ho US$1.5 Bilioens diferensias ne’e hamosu perguntas no duvidas relasiona ho sufisiensia despezas Estado hodi aselera dezenvolvimentu iha area savi importante sira iha tinan 2016.

Nune’e mos, Xefi bankada Frente-Mudansa (FM), José Luis Guterres, dehan katak, perguntas no preokupaseons ne’ebe mak sira hato’o durante loron tolu ba debate jeneralidade Governu bele haree, tanba prioridades ba nasaun no povu.

“infraestuturas balun ne’ebe iha benefisius direitus ba iha populasaun iha tempu kurtu ekilibriu mos investementus infraestruturas ne’ebe iha rezultadus ba longu prazu, ho ekilibriu ida ne’e hau fiar katak ita nia povu sei hare mos katak orsamentu ida ne’e benefesia diretamente ba sira no ita mos bele kria dependensias ne’ebe ita iha relasaun ho reseitas mai husi mina no gas,” dehan Xefi bankada FM ne’e.

Nune’e mos xefi bankada Partidu Demokratiku (PD), Maria Lurdes Besa, iha diskusaun OJE 2016 ba jeneralidade apresia tebes ho diskusaun balu ne’ebe hetan ona, maibe iha materia balu ne’ebe bankada PD hanoin katak sei diskute klean liu tan.

“iha debate dahuluk nian iha jeneralidade, ami hato’o ona ami nia lia menon katak wainhira ita hala’o buat ruma ho serteza no konfiansa sein rona malu ita sei hakotu ho preokupasaun ho serteza iha nia asaun no produsaun rasik,” dehan deputada Lurdes.

Iha diskusaun aprovasaun ba jeneralidade ne’e, Primeiru Ministru, Tui Maria de Araújo, agradese ba Parlamenti Nasional durante ne’e husu atu fo liman ba malu hodi dezenvolve TL ba oin.

Komisaun eventual  

Hafoin votasaun jeneralidade Orsamentu Jeral Estadu (OJE) 2016 nian, plenaria mos halo votasaun ba projetu de lei formasaun komisaun eventual.

Iha votasaun ne’e, a favor 57, kontra 8, abstensaun 0, ho ida ne’e votasaun terminasaun pasa.

Iha biban ne’e mos Prezidente Parlamentu Nasional (PN) Vicente Guterres dehan,   iha Sesta (04/12) tuku 11:00 OTL sei   aprezenta proposta de alterasaun ba   meja iha tempu mos bele analiza, sei kumpri ka la   kumpri.may/avi

Jornal Nacional