Prezidenti
Republika Indonesia, Joko Widodo (Jokowi), Tersa ohin (26/1/2016), tuku 10:00
OTL, sei to’o iha Timor Leste hodi halo vizita ofisial durante loron ida nia
laran.
Jokowi
nebe akompanha mos ho nis esposa Iriana Widodo ho nia delegasaun mai ho aviaun
Prezidensia Republika Indonesia nian (RI-1). Durante iha Dili,TL sei hala’o
vizita ba Prezidenti Republika (PR), Taur Matan Ruak, halao enkontro ho
Primeiro Ministro (PM) Rui Maria de Araujo ho membros Governu,sei visita jardim
dos herois Metinaro ho Balide atividades seluk tan ba interese Estadu rai rua
TL-RI nian.
Parlamentu
Nasional (PN) hein katak, ho vizita Prezidenti Republika Indonesia, Joko Widodo
(Jokowi) mai Timor Leste bele koalia linha fronteira maritima entre TL-RI nune
mos ruin haswain Nicolau Lobato nian.
Vise
prezidenti PN, Aderito Hugo da Costa fo sasin katak, dezemvolvilmentu ekonomia
relasaun kultural entre Timor Leste no Indonesia durante nee nia rezultadu
nasaun rua nee sai amizade diak tebes too agora.
“Vizita
Prezidenti Jokowi nian, ita hametin relasaun amizade neebe mak ita dezemvolve
ho diak teb-tebes durante tinan barak, ita hein katak bele tama ona ba
diskusaun substansia liu ba iha lina fronteira maritima,” informa Aderito Hugo
hodi responde jornalista sira iha PN, Segunda (25/01/2016).
Aderito
mensiona katak, Timor Leste ninia ekonomia dependensia mos ba Indonesia hanesan
sasan inportasaun maioria husi Indonesia no mos merkadu internasional seluk.
Tanba ne’e relasaun TL nian ho Indonesia importante tebes atu bele kontribui ba
TL nia dezenvolvimentu.
Timor
Leste iha posibilidade husu Saudozu Nicolao Lobato nia ruin, Hugo hatete
komunikasaun entre nasaun rua nian la’o hela, tan nee hein katak vontade diak
entre nasaun rua ne’e bele rezulta ruin sira ne’ebe mak to’o oras ne’e seidauk
hetan.
Vise
Prezidenti PN, Adriano do Nascimento hatete vizita Jokowi nian hatudu relasaun
diak TL-RI hodi kontirbui ba malu atu dezenvolve-an diak liu tan.
Nia
hatete Jokowi hatudu Indonesia ninia komitmentu hodi akompaina prosesu
dezemvolvimentu neebe mak lao no hametin ralasaun entre Povu Timor Leste.
“Vantazen
husi Vizita nee mak ita hetan konfiansa husi ita nia nasaun vizinu, ita bele
hakbesik liu tan ita dezemvolvimentu rekursu umanu tamba ita nia joven barak
estudu iha Indonesia,” dehan Adriano.
Adriano
hatete Timor Leste mos hametin relasaun ekonomia husi Indonesia tamba sasan
importasaun maoria husi Indoensia.
Iha
fatin hanesan, membru PN husi Bankada CNRT, Cesar Valente hateten, vizita
Jokowi nian ne’e hatudu lasu amizade TL-RI hodi kompleta malu ba futuru
dezenvolvimentu.
Ekipa
avansada iha ona Dili
Ekipa
avansada vizita Prezidenti Repulika Indonesia nian, Joko Widodo (Jokowi),
Segunda horseik (25/1/2016), to’o tiha ona Dili hodi halo preparasaun no
koordenasaun diak liu tan ho Governu Timor Leste.
Tim
avansada RI nian ne’ebe lidera husi Ministra Negosiu Estranjeirus, Retno
Lestari Priansari Marsudi to’o iha Aeroportu Dili ho aviaun Sriwijawa Air hodi
kontinua hasoru malu ho nia homologo Ministru Negosiu Estranjeirus Hernani
Coleho atu halo koordenasaun protokoler kona-ba vizita PR Jokowi nian.
“Ami
halo enkontru koalia sobre halo tipu de atualizasaun sobre servisu ne’ebe grupo
trabalho nen (6) halo no kona mos ba asuntu ne’ebe importante, liu-liu kestaun
preparasaun nomos kestaun de implementasaun negosiasaun fronteira maritima nebe
Timor leste ho Indonesia halao,” informa Ministru Hernani Coelho iha Palasio
Governo.
Nia
hatutan grupo trabalho 6 ne’e detaliadu husi area ekonomia nian, justisa,
defeza, seguransa, seguransa sosial, kultura, edukasaun ho mos mos grupu
trabalho fronteira nian. mia/nes
Jornal
Nacional
Sem comentários:
Enviar um comentário