PROSTITUISAUN HAKSUMIK BARAK IHA DILI – DESKONFIA OKNUM PNTL PROTEJE

Atividades prostituisaun barak maka haksumik iha Dili laran. Liu-liu, helik subar iha negosiu sira hanesan loke bar, karaoke, diskoteka, salon no mos fatin massage (kumu isin).

Iha fatin sira hanesan bar, karaoke, salon no fatin kumu isin nian, la’os livremente no la iha ema ruma maka iha kbi’it atu koalia netik, tanba hetan protesaun diak tebes husi membru Polisia Nasional Timor Leste (PNTL) balun.

Prezidenti Komisaun F ba asuntu Edukasaun, Saude, Desportu no Kultura, Virgilio da Costa Hornai hateten, iha hotel balun hakiak atividades prostituisaun, maibe autoridade sira la iha kbi’it bele atua tanba deskonfia membru PNTL balun maka fo protesaun.

“Iha Oknum Polisia balun neebe mak legaliza no fasilita dokumentu feto sidadaun estranjeiru balun hodi hala’o vida prostitusaun,” afirma Deputadu Virgilio Hornai liu husi sesaun plenaria PN, Segunda (18/01/2016).

Nia hatete iha fatin neebe mak deskonfia feto sira halao vida prostitusaun nee iha mos germo nee feto Timor oan neebe iha redi ho membru PNTL.

Iha fatin hanesan Deputada Bankada CNRT Virginia Ana Belo hatete foinsae Timor oan oras nee fasil teb-tebes hodi asesu ba filme pornografia, tanba ne’e Governu tenke tau atensaun ba situs sira ne’ebe maka la edukativu.

“ Ita Timor Leste foinsae sira neebe mak ho idade kiik fasil tebes tama iha situs aat sira, labarik kiik ida hakerek deit porno buat hotu sai kompletu bele asesu nee perigu teb-tebes ba oan sira neebe mak idade kiik,” dehan Virginia.

Nia husu ba Governu atu hare asuntu nee no labele dada naruk diak liu taka tiha situs porno neebe mak oras nee asesu livre atu nune labele fo impaktu ba foin saesira iha futuru.

Iha fatin ketak feto prostituta Mona (la’ois naran rasik) hatete Timor oan balun kaben ho feto Indonesia depois sira lori feto barak husi Bandung, uza viza turista mai Timor, hodi halo vida prostituta atu hetan osan.

“Ami feto sira iha nee mai husi Bandung hotu, tuir ami nia patraun feto nee, tamba patraun feto nee nia kaben ema Timor oan, neduni ami aproveta oportunidade ida nee uza vistu turista mai iha Timor, hodi halo servisu prostituta iha Timor,” esklarese Mona.

Nia hatete agora dadaun patraun komesa ona urus sira dokumentus, atu prostituta halao servisu prostituta ho livre, kuandu sira halao servisu nee ba sira neebe feto ran atende mane ida ho U$ 50.00 (short time), sira neebe idade abansadu atende ema ida ho U$ 40.00 (short time). Nes

Jornal Nacional