Hasai Imunidade Vicente, CNRT Hein Desizaun Prezidente

DILI - Reprezentante Povu iha uma fukun Parlamentu Nasional (PN) husi Bankada CNRT hein hela disizaun husi Prezidente PN hodi hasai Imunidade Deputadu Vicente Guterres nian.

Tuir Deputada bankada CNRT Carmelita Moniz katak, komisaun A rasik too agora la hatene karta hasai imunidade Deputadu Vicente Guterres, tanba karta nee Prezidente seidauk baixa ba komisaun kompetente.

Komisaun etika, karta nee too agora hau rasik la hatene nia prosesu too iha neebe, tanba ne’e kompetensia Prezidente nian, Prezidente maka tenki baixa notifikasaun husi Tribunal ba iha komisaun espesializada,”dehan Carmelita ba Jornalista, Tersa (29/03/2016) iha PN.

Nia dehan, Prezidente bazeia ba karta notifikasaun neebe maka mai husi Tribunal atu hasai imunidade ba Prezidente PN Deputadu Vicente Guteres hodi ba hatan iha Tribunal.

Iha fatin hanesan Deputadu Banka Fretelin Paulino Moniz Maia hatete, nudar deputaduno  Timor oan ema hotu iha lei nia okos, la iha ema ida maka iha lei nia leten hahu husi Xefe Estadu ba too povu kiik sira hotu iha lei nia okos. Informasaun kompletu iha STL Jornal no STL Web, edisaun Kuarta (30/3/2016). Timotio Gusmao

Suara Timor Lorosae