Supervisor
Cleaner Pax iha Jardin Largo Lecidere, João Correia informa katak, jardin ne’e
sai hanesan fatin hemu tua, no namora, pior liu tan maka balun ba sentina fali
iha jardim laran tamba falta kontrolu husi seguransa sira.
“Ami
nia servisu maka hamos foer, kontrola haris fatin maibé ami presiza mós
kontrola husi seguransa atu tau matan lisuk ba jardin ne’e, tanba maioria ema
ba namora malu, tiu sira fa’an nu’u uza ba hemu tua no soe foer arviru deit iha
fatin ne’e”, dehan João Correia ba JN-Diário iha Bidau, Jardin Largo, Kinta
(17/3).
Seguransa
tur hakmatek deit iha post Estatua (One More Bar nia oin) nian hodi halimar
facebook deit la mai kontrola to’o iha jardim ne’e, hein ful-fulan simu osan
deit.
“Ho
ida ne’e ha’u husu ba Governu karik bele kria mekanismu di’ak ou tau seguransa
barak iha ne’e atu nune’e bele asegura jardin ne’e nia ambiente ne’ebé mos.
Tamba ne’e iha estrada bo’ot oinsa ho ema nia haree kona ba atetudi joven sira
nian ne’ebé mai halo buat arbiru deit iha ne’e inklui hafoer jardin”, hateten
João Correia
Nia
hatutan, problemas hirak ne’e, sira hato’o bei-beik ona ba iha Ministériu
Turismu, maibé lahatene sira hato’o ona ba DNSEP ga seidauk.
Hatan
ba preokupasaun ida ne’e Alarico Soares nu’udar seguransa DNSEP iha Jardin
Largo hateten katak, iha área refere iha sira na’in 4 deit, oinsa sira bele
kontrola ho masimu.
“Karik
jardin ne’e odamatan iha, entaun ami bele kontrola masimu maibé odamatan barak,
ne’eduni ami labele tui-tuir ema iha 24 horas, tanba ema barak”, afirma nia.
Nia
hatutan karik bele aumenta tan seguransa iha ne’e atu bele asegura di’ak liutan
jardin ne’e tamba ami nain hat deit labele halo kontrola másimu iha fatin
refere.eni
Jornal
Nacional
Sem comentários:
Enviar um comentário