INSPESAUN JOGUS HATAMA RESEITA U$ 2.495

Tuir dadus akumulativa husi inspesun de jogu fo sai katak, iha tinan 2015 ekipa de jogu halo inspesaun ba iha jogu ilegal iha rai laran konsege rekolha taxa ba kofre Estadu hamutuk 2,495 milhoens.

Inspektur Jeral do Jogo MCIA, Miguel Lobato hatete, jogu ilegal barak maka durante ne’e diresaun ekipa jogu indentifika liu-liu iha Dili, jogu ilegal makina ne’ebe maka sira identifika maizumenus iha 6 ou 7 ne’e maioria lao ilegalmente.

“Husi jogu ilegal ne’ebe maka ami indentifika ne’e husi kompanha sira selu taxa ba Governo tanba ne’e osan ne’ebe maka ami hetan hodi hatama ba iha kofre estadu hamutuk 2.495 resin ho nia 25%,” dehan Miguel ba jornalista sira iha nia knar fatin Bebora, Kuarta (09/03/2016).

Nia dehan,Jogu ilegal ne’e laos foin maka akontese ,maibe akontese desde uluk kedas ,jogu ne’e, ekipa kobre hotu atu halo indentifika maibe diresaun de jogu sempre halo nafatin kordenasaun ho Poliasia Nasional Timor Leste (PNTL) maka lao hamutuk hodi identifika atu nune’e halakon tiha maibe jogu ne’e kontinua ejiste nafatin.

Miguel konfesa katak, ema China sira dala ruma mai iha Timor sira sempre uja ema Timor ne’ebe maka ho nia begraund veteranus ba becking tanba ne’e halo ekipa de jogu mos atu kombate hodi halo lakon mos labele ne’e susar.

Maske polisia sira susar atu halakon jogu illegal ne’e maibe sira nia serbisu halo inspesaun lao hela, depois desijaun muda tiha ona ba sentru serbisu imvestigasaun kriminal PNTL,serbisu halo operasaun ne’e lao efetivu.

Konaba olding tex nian, Miguel dehan, ne’e kompetensia Ministeriu Finansas (MF) maka hare sobre ba ida ne’e husi serbisu tributaria laiha imformasaun, konaba osan 10 % ne’ebe maka sira tenki selu kada tinan ba Estadu.

Nia dehan,jogu ilegal ne’e serbisu tributaria detekta iha area mandarin maibe kuaze iha area Dili laran ne’e barak maka identifika ilegalmente.

‘’Kona ba jogu Casino ne’e laos ilgeal tanba tuir lei tributaria ne’e legaliza, lolos ne’e laos bolu casino maibe bolu clup, tanba clup ne’e uja makina laos uja manual. Tanba ne’e konaba Casino lei seidauk iha, tanba Governo bandu ,lei ida ne’ebe maka haruka ba Prezidente Republika maibe nia deklara haruka fila ona para atu hadia,lei konaba Clup maka iha club mesin,lei konaba casinu ne’e seidauk iha,’’ informa Miguel Lobato.

Diretur informa katak,durante ne’e iha kompania 4 maka selu ona taxa ba kofre estadu,maibe iha kompanha 3 deit maka aktivu ida seidauk lao.

Prosesu kompanha sira selu taxa ne’e bazeia ba serbisu tributaria nia ne’ebe maka halao inspesaun iha tempu kalan,iha inspesaun ne’ foin maka hatene rezustu ne’e iha kalan ne’e osan tama hira no osan sai hira,restu ne’ebe hela ne’e maka foin konaba taxa.

Purtantu osan tama depois halo pagamentu ba premiu ne’e kona taxa $15 ou 10%,taxa ne’ebe maka komapanha sira selu ne’e iha tipu oin rua 15 % ba kontribuisaun social no 10 % ba lotaria,total mak 25%. nia

Jornal Nacional