Bispu
Diocese Dili, Dom Virgilio do Carmo da Silva, SDB hateten, tinan Jubileu ba
Mizerikordia ou tinan laran luak hahú husi fulan Novembru tinan 2015 to’o
Novembru 2016, fo oportunidade ba sarani Katolika tomak hodi manan grasa
indulzensia plenaria ka grasa rohan laek husi Maromak liu husi igreja ne’ebe
iha.
“Amu
Papa hili no fihir ona tinan ne’e hahu husi fulan Novembru 2015 to’o
Novembru 2016 hanesan tinan Jubileu da Mizerikordia katak tinan laran
luak nian hodi fo oportunidade ba sarani katolika tomak liu husi igreja ne’ebe
iha ho nune’e bele kria fali relasaun diak ho Maromak hodi manan no hetan grasa
indulzensia plenaria husi Maromak maske la konfesa,”afirma Dom Virgilio do
Carmo da Silva, SDB ba JN-Diario iha ninia residensia, Paço Episcopal, Lecidere-Dili,
Kuarta (27/04/2016).
Grasa
indulzensia plenaria fo ba sarani sira liu husi igreja ne’ebe Amu Papa rasik
maka determina ona e iha Timor nian maka igreja Motael, Balide, Catedral no
Becora e igreja hirak ne’e sei sai hanesan odamatan ba sarani sira hodi hetan
grasa indulzensia plenaria.
“Igreja
ne’ebe Amu Papa determina ona sei sai hanesan odamatan ba sarani sira hodi
hetan grasa indulzensia plenaria e wainhira sarani sira tama iha odamatan
refere sira bele reza orasaun ne’ebe determinadu ona no halo konfesa ba sira
a’an automatikamente nia sei hetan grasa indulzensia plenaria e grasa ne’e fo
hodi garante sarani ne’ebe karik mate derepenti maka nia nafatin hetan grasa
indulzensia plenaria husi Maromak maske seidauk konfesa,”dehan Dom Virgilio.
Alende
ne’e tinan Mizerikordia atu fo ajuda no oportunidade ba sarani hodi fila
ba maromak liu husi sakramentu konfesa, tanba dalabarak sarani balun halo sala
bo’ot tauk atu konfesa, igreja fo oportunidade no korazen ba sarani tomak atu
halo konfesa tantu sala bo’ot ou ki’ik.
“Iha
razaun oi-oin ne’ebe Amu Papa iha wainhira deside tinan ne’e hanesan tinan
Mizerikordia, tanba hakarak fo oportunidade ba sarani tomak hodi bele senti
maromak nia laran luak hodi haraik perdaun ba sarani liu husi konfesa tantu
ne’e sala bo’ot ou ki’ik e liafuan Mizerikordia mai husi termu oin rua Mizeri
refere ba ema nia defeitus, interpeisaun, limitasaun no frakeja, Kordia mai
husi liafuan latina katak fuan e fuan ne’e refere ba maromak nia fuan katak
maromak ne’ebe iha fuan ne’ebe bo’ot atu akolla no nakloke hodi haraik perdaun
no simu oan sira ne’ebe lao sala dalan ona,”hateten Dom Virgilio.
Relasiona
ho tinan Mizerikordia Diocese determina ona programa rua ne’ebe sei implementa
kompostu husi sosializasaun no halo konfesa.
“Programa
primeiru amu lulik sira komesa halo ona sosializasaun iha parokia hotu-hotu
hodi habelar informasaun konaba devosaun husi tinan Mizerikordia ba sarani hotu
atu nune’e bele hatene no aproveita, tanba sarani barak buka no hakarak hatene
konaba grasa husi tinan Mizerikordia ne’e rasik, segundu Amu lulik sira sei fo
konfesa ba ema ne’ebe hetan sala ki’ik ou bo’ot exemplu hanesan sala bo’ot
ne’ebe ema bolu abortu ne’e só uniku Bispu deit maka bele absorve ou fo
perdaun, maibe tinan ne’e Amu Papa fo oportunidade ba Amu lulik ou misionariu
husi tinan Mizerikordia atu bele fo konfesa no perdaun ba sala refere e só
akontese deit iha tinan Mizerikordia,”hateten Dom Virgilio.
Alende
ne’e, Amu Papa bolu ona reprezentante Amu lulik hotu iha mundu hodi reprezenta
idak-idak nia Nasaun hodi sai misionariu ba tinan Mizerikordia.
“Nasaun
Timor nian iha Amu lulik nain tolu ne’ebe kompostu husi Dili nian pe. Antonio
Canser, Baucau pe. Eduardo no pe. Capucino iha Laleia nain rua nia naran tutun
ha’u ladun hatene ne’ebe reprezenta ona Timor hodi sai misionaria ba tinan
Mizerikordia,”dehan Dom Virgilio.
Dom
Virgilio fundamenta katak, papel importante husi misionariu nain tolu ne’e maka
atu fo perdaun ba sarani ne’ebe hetan sala bo’ot hanesan sala ne’ebe só Amu
Papa no Bispu deit maka fo perdaun e sira iha orariu hodi tama sai parokia hotu
hodi esplika pontu-pontu importante husi tinan Mizerikordia.
“Pe.
Nain tolu ne’e agora iha ona Dili e ami sei realiza enkontru atu fahe sira nain
tolu ne’e hodi hala’o knar nudar misionariu Mizerikordia iha parokia sira e
parese pe. Antonio Cansel maka sei lao ba parokia hotu hodi esplika pontu-pontu
importante husi tinan Mizerikordia,”hateten Dom Virgilio.
Ho
nune’e Bispu Dom Virgilio husu ba sarani katolika tomak atu aproveita didiak
oportunidade ne’e, tanba tinan Mizerikordia laos tinan-tinan iha e lahatene
tinan hira tan maka iha.
“Ha’u
nia mensagen ba sarani sira atu aproveita didiak oportunidade ne’e, tanba tinan
Mizerikordia ne’e marka ona historia ne’ebe furak, importante e previlejiu liu
ba sarani katolika tomak, tanba foin primeira ves e alende igreja aprezenta nia
a’an ho maneira ne’ebe atu tesi lia, julga no kondena, maibe igreja mós hatudu
ona maromak nia fuan ne’ebe diak no nakonu ho perdaun ba sarani sira e
importante ba sarani maka maromak nia fuan ne’ebe diak labele hela deit iha
igreja no maromak, maibe sarani mós tenki hatudu nia laran luak ba ema seluk
ne’ebe durante ne’e karik hirus malu ho nia atu fo perdaun no simu malu fali
iha tempu ne’e,”tenik Dom Virgilio. Ita
Jornal
Nacional
Sem comentários:
Enviar um comentário