Debate no Aprova Rejimentu Interna KI No Aprova Kodiku Dentolojiku Sai Permeiru Servisu Ba KI

Dili, Radio Liberdade Online - Iha Tersa Feira 10/5/2016, Parlamentu Nasional liu husi Presidenti Parlamentu Nasional Aderito Hugo fo ona tomada de posse ba Estrutura Konsellu Imprensa, kompostu husi Presidenti Konsellu Imprensa, Virgillo Guterres, no membru Jose Ximenes, Francisco da Costa, Paulo Araujo no Hugo Fernandes hodi halao servisu ba akonsela Midia no Jornalista sira iha rai laran, nune’e iha loron 12/5/2015, wainhira Jornalista Radio Liberdade Dili halo dadalian ho Presidenti Konsellu Imprensa, Virgillo Guterres hodi hatene saida mak Konsellu Imprensa sei halo hafoin tomada de pose, Virgillo isplika katak Permeiru Konsellu Imprensa sei debate no aprova rejimentu internu KI no segundu halo aprovasaun ba kodiku  dentolojiku ka Kode Etiku Jornalistiku.

“Hau hanoin permeiru ami sei debate no aprova rejimentu internu Konsellu Imprensa, iha rejimentu internu ne’e sei koalia kona ba mekanismu nomeasaun ka mekanismu rekrutamentu ba Direitur Exekutivu, sei koalia mos kona ba organograma KI tuir nesesidade ne’ebe lei haruka , kompetensia ne’ebe lei haruka, nia persija departementu hira, ida ne’e pelumenus iha permeiru engkontru tengki aprova para hahu lao dopois numeru importante seluk mak nomeasaun ba Direitur Executivu, dopois tuir mai tuir lei tengki aprova kodiku dentolojiku kode etik jornalista.”  

Rádio Liberdade Dili