KN 2016, PADJAJARAN PRONTU KOMPETE

Sekretariu jeral modalidade Padjajaran Nasional Timor Leste, Benedicto da Costa Xavier deklara, atletas modalidade desportivas husi artemarsiais Padjajaran, preparadu atu kompete ba eventu kampionatu nasional Fedrasaun Silat Timor Leste (FSTL) tinan 2016.

Padjajaran Nasional núdar modalidade desportivas arte marsiais ne’ebé hamahon-án iha federasaun silat, no modalidade desportu artemarsiais rua seluk mak, modalidade Silat rasik, no PD (Perisai Diri).

“Kampionatu Nasional ne’e tinan-tinan sempre hala’o husi federasaun, i ba kampionatu nasional ba tinan 2016 ida ne’e, husi parte ami Padjajaran Nasional Timor Leste ninia atleta preparadu tebes hodi bele partisipa no kompete iha eventu refere, tanba halo treinu ba preparasaun lor-loron i laos tempu besik ka hela deit fulan ida ba kampionatu mak treinu i ne’e lae,.!,” informa Sekretariu jeral Padjajaran Nasional Timor Leste ba jornalista sira iha Gabinete Sekretaria Estadu Juventude no Desportu (SEJD), eis-sional Lesidere Dili, Segunda (04/07/2016).

Tuir planu federasaun katak, kampionatu Nasional sei halo iha fulan Agosto tinan 2016 neé, i parte padjajaran nasional prepara ona ninia atletas husi fulan Abril toó mai ohin lorin (04/07), tanba neé fiar 100% tebes katak atleta padjajaran mak sei sai manan nain ba eventu kampionatu, optimista

“Maske ami hasoru defikuldade hanesan fatin atu halo treinu, maibe buat hirak ne’e ami konsidera katak, defikuldade no limitasoens laos sai obstaklu, maibe ne’e núdar dezafius ba ami atu luta kontra no tenke hatudu performa diak liliu iha eventu kampionatu nasional nomos internasional ruma,” katak Nia.

Relasioana ho defikuldade no limitasoens refere, Sekjen Padjajaran Nasional Timor Leste, Benedocto husu ba parte Goveru liliu Sekretaria Estadu Juventude no Desportu (SEJD) atu haree no tau atensaun seriu ba kestaun ne’e, hodi kria kondisaun fatin ne’ebé diak liu ba atletas nune’e utiliza ba treinu lor-loron nian.

“Hau hakarak haree fila fali ba kotuk, wainhira iha tempu okupasaun Indonesia ne’e, tempu besik atu halo kampionatu Nasional ne’e, fulan haat ka lima antes kampionatu, atletas tenke halibur hamutuk ona iha laran (asrama-red), nune’e bele preparasaun ne’ebe espesifiku liu tan hodi hasoru evetu,” Dehan Nia.

Enkuantu iha tempu ne’ebé mak hanesan, jornalista JN-Diário tenta atu konfira assuntu ne’e ba parte federasaun, maibe estrutura federasaun la iha nia edifisiu jinajiu Dili, tanba ne’e to’o nutisia ne’e públika seidauk bele konfirmadu.ito

Jornal Nacional