Hamos Pensaun Vitalisia, PLP Halo Politika Real Laos Presaun

DILI - Ejijensia sidadaun hotu atu hamos total pensaun vitalisia ba eis membru membru Orgaun Soberanu no Eis titular, tan nee Partidu Libertasaun Popular (PLP) la halo presaun ba Parlamentu Nasional (PN) no manobra politika.

Tuir Prezidente internu PLP Sabino Soares Guntur hatete Lei pensaun vitalisia aktu demokrasia neebe mak lao iha Estadu RDTL, neebe hamosu problema injustisa.

Atu hamos total pensaun Vitalisia laos preokupasaun partidu PLP mesak, maibe ema hotu nia preokupasaun no ejijesia hodi halo mudansa, tan nee ami la halo presaun ba Parlamentu no la halo manobra politika,” dehan Sabino ba STL, Kinta (15/09/2016) iha Sede PLP, Metiaut.

Rajaun PLP konsidera pensaun Vitalisia nudar aktu diskriminasaun no Injustisa sosial, tuir Guntur katak veteranus sira neebe mak luta durante tinan 24 iha ailaran, governu halo tratamentu ladignu ba sira nia moris.

Iha fatin ketak Diretur Ezekutivu Luta Hamutuk Mericio Akara hatete pozisaun soseidade sivil nian kontinua mantein katak pensaun vitalisia tenki hamos total. Nia hatete Parlamentu la halo tuir hodi debate lei pensaun vitalisia mak povu sei lafiar politika partidu politiku sira, neebe oras nee reprezenta povu tuir iha Parlamentu. Informasaun kompletu iha STL Jornal no STL Web, edisaun Sesta (16/9/2016). Timotio Gusmao

Suara Timor Lorosae