Governu Halo Politika Bazeia Ba Evidensia

DILI - Governu halo politika bazeia ba evidensia, dadus no data, se halo politika rugranga la tuir evidensia ka regras neebe iha, entau sira hakoi ona povu no nasaun nee.

 Tuir Vise Ministru Finansas Helder Lopez katak governu ida nee ho governu sira iha pasadu, ho objetivu atu kontinua halo politika bazeia ba evidensia, ida nee konprimisiu boot iha husi governu neebe hakarak halo serbisu ba povu no nasaun.

Tanba bainhira ita halo politika programa too mai iha atividades, ita halo didiak wainhira ita halo bazeia ba evidensia, dadus no informasaun, ita sei la halo politika programa nebe efikasia no efisen sein bazia ba evidensia no dadus,” hateten Helder, liu husi Konfrensia internasional konba mundu sensia mundu no dezenvovimentu sustentavel, iha Dili Convention Center (DCC), eis Merkadu Lama, Dili, sesta (21/10/2016).

Vise Ministru Finansas nee haklean tan katak desde governu pasadu too mai governu agora sempre kompremetidu atu kontinua eveste iha dadus, investe iha informasaun hodi azuda governu atu halo politika neebe diak, politika ida neebe sira halo kona duni ba nesesidade povu nia, tanba governu halo buat ruma bazeia ba evidensia.

Iha fatin hanesan Akademiku Lucio da Costa hateten Vice Ministru Finansas ohin esplika katak governu halo politika bazeia evidensia, nee tuir prespektiva sira nia. Nia hatutan tinan-tinan PN aprova orsamentu estadu billaun ida ba leten, maibe ezekusaun lao tuir planu neebe sira trasa, nee hatudu katak governu nunka hakat tuir planu ka dadus neebe sira planu tiha ona antes sira simu puder atu ezekuta orsamentu. Informasaun kompletu iha STL Jornal no STL Web, edisaun Sabado (22/10/2016). Joao Anibal

Suara Timor Lorosae