Sai
nudar tradisaun ne’ebe abut metin ona ba sarani Katolika iha mundu rai klaran,
inklui Timor-Leste, maka wainhira atu tama festa boot Natal ho tinan foun,
sempre mai ho estilus ‘buat hotu foun’.
Ema
lubun wain ne’ebe iha kbiit osan no fasilidades hatoman ona an sosa buat mesak
foun, hanesan ropa, sapatu, mina morin no asesoris oi-oin hodi selebra Nai
Kosok Jesus nia loron moris.
Hirak
ne’ebe kbi’it laek, dala wain liu, tuur ho esperansa deit. Fuan no laran
hakarak tebes iha buat foun ba loron boot Natal ho Tinan Foun, maibe sempre
hela deit ho esperansa.
Sira
nia hakarak sempre ‘falun’ metin. Maibe, sira la lakon esperansa atu festeza
iha uma laran ho sira nia simplisidade.
Rahun
diak tebes ba alin orfanato lubuk ida ne’ebe Madre Dominicana sira hakiak no
halibur iha knua orfanato São Domingos Gusmão, Bidau, Dili.
Iha
Natal no tinan foun ne’e, bele dehan, sira selebra ho kontenti tanba iha lider
nasaun nian ida ne’ebe humanidade tebes lori ksolok no ba haksolok hamutuk ho
sira.
Kay
Rala Xanana Gusmão, lider rezidentensia no lider karismatiku atual Ministru
Planeamentu no Investimentu Estratejiku (MPIE), hanesan ‘ahi oan lilin’ ne’ebe
mosu ba sira hodi leno sira nia neon susar iha tempu atu besik Natal ho tinan
foun ne’e.
Ho
domin boot, Kay Rala Xanana Gusmão, hakat ba tuku sira nia odamatan ofanato
nian hodi husu lisensa ba Nai Madre sira atu lori sira iha oras balun nia laran
sai husi orfanato nia laran mai sosiedade.
Labarik
orfanato feto nain 35, ne’ebe akompanha husi sira nia marde nain 4, la hatene
los maun boot Xanana atu lori sir aba nebe no atu halo saida.
Teki-teki
deit, kareta ne’ebe tula sira husi Bidau halai tuir tasi ibun nai fila kruza
tama ba repartisaun Timor Plaza nian. Oan kiak lubun hirak hateke ba malu
admiravel boot no sira rasik husu ba malu, saida mak sira atu halo iha Timor
Plaza ne’e.
“Ami
hakfodak deit tanba avo Nana lori ami mai Timor Plaza, fatin ne’ebe ami nunka
imazina atu mai fahe ksolok ba malu,” hateten alin feto orfanato ne’ebe
JNDiario hakbesik ba dada lia wianhira la’o hamutuk hela ho Madre no Avo Nana
iha Timor Plaza nia laran, Domingo (18/12/2016).
Iha
Timor Plaza nia laran, Avo Nana la’o ho nia kustuma koalia barak, hase
halimar malu no koslok liu tan avo Nana maka sai fali hanesan guide ba orfanato
oan sira.
Matan
atu ba atus ne’ebe tama sai Timor Plaza, loron neba, orgluhu boot haree ninia
lider nasaun ne’ebe sei iha vontade atu halibur no fo ksolok ba oan kiak sira.
Labarik,
jovens feto no mane ho ferik-katuas balun, lakohi husik leet deit oportunidade
kmanek ne’e hodi buka maneira hakbeik ba komprementa maun boot Xanana no husu
lisensa hasai foto hamtuk ‘selfie’ ho avo Nana.
Maske
ho eskoltu, maibe avo Nana sempre atende sira ‘selfie’ hamutuk iha Timor Plaza
nia laran ida por ida. To’o avo Nana mos kolen no dada iis tanba tenki atende
ema kuaze atus ne’ebe kontinua lao tuir nia husu ‘selfie’.
“Avo
selfie,,,avo selfie no avo selfie,.” Lia hirak ne’e sempre sai husi jovens feto
no mane sira nia ibun wainhira hakbesik ho orgulhu ba hasai foto ho komandante
FALINTIL ne’e.
Maske
atende foto ‘selfie’ ho nia oan doben Timor oan sira, maibe Xanana nia atensaun
nafatin ba labarik orfanato sira ne’e hodi lori sira tama sai lojas hotu iha
Timor Plaza nia laran hodi sosa sapatu, vestidu no asesories Natal nian ba
orfanato lubuk wain ne’e.
Iha
loja sapatu Batta, Avo Nana hamrik tiha iha kasir, maka haruka orfanato oan
sira ida-idak ba haree no sukat sapatu ba sira nia an.
Orfanato
oan siraho disiplina lao ba sukat sapatu tuir sira ida-idak nia medida ain.
Balun foti ida no balun foti rua. Hodi tau entrega ba ‘mataros’ (ema hein loja)
sira tau iha sapatu nia kaixa laran.
Sapatu
ne’ebe tau iha ona kaixa laran lori fali mai entrega ba sira ida-idak hodi
forma iha kasir, ne’ebe avo Nana hamrik prontu ona ho osan naton para selu
sapatu hirak ne’e.
“Ami
nia agradesementu no obrgiada wain ba avo Nana ne’ebe mai fo ksolok ba ami
nudar prezenti ne’ebe kmanek tebes iha ami nia moris nudar labarik orfanato,”
hateten orfanato oan ida. sel
Jornal
Nacional
Sem comentários:
Enviar um comentário