TL Priense Ona Kriteria Tama Asean

DILI – Timor Leste priense ona Kriteria Tama Asean, tanba konsege hari ona nia embaxada iha Nasaun Asean tomak, no hein deit aban bain rua halo diplomasia ba ekonomia, tan nee setor privadu tenke preparadu.

Tuir Reprejentante povu iha uma fukun Parlamentu Nasional, Deputadu Jose Luis Guterres katak, TL prense ona kriateria tama Asean tan nee, maibe setor privadu sei hasoru dezafous boot konaba finanseru. Tanba nee governu tenke investe osan mina rai iha Banku, apoiu kreditu ba setor privadu hodi halo atividade ekonomia hodi compete iha merkadu livre.

Hau hanoin ema hotu hakarak tama Asean maibe, setor privadu sira sei hasoru hela problema boot ida maka, finanseru tanba tama asean nee atu koompete iha merkadu livre, tan nee governu tenke tau matan ba setor privadu sira liu husi oan mina rai bele fo kreditu atu nunee setor privadu sira bele halo atividade ekonomia,” dehan Deputadu Jose Luis ba STL, Segunda (23/01/2017) iha PN.

Nia mos imforma liu tan katak, setor privadu sira iha interese aas atu investe iha rai laran, maibe problema neebe sira sei hasoru maka finanseru, tanba too agora banku sira neebe establese iha rai laran seidauk bele fo kreditu, maske Banku Nasional Comersiu (BNCTL) fo ona kreditu.

Iha parte seluk Diretur Camra Comersiu Insustria Timor Leste (CCI-TL) Nuno Trindade hateten, Setor privadu sei hasoru hela problema boot ida maka finanseru, tanba tama Asean nee ho obzektivu ida maka atu kompete iha merkadu livre. Informasaun kompletu iha STL Jornal no STL Web, edisaun Tersa (24/1/2017). Madalena Horta

Suara Timor Lorosae