Akordu ho Real Madrid, SEJD inkaisa LFA iha laran

DILI - Relasiona ho akordu ne’ebe Sekretaria De Estado Joventude no Desportu (SEJD) tuir planu atu reforsa liu tan akordu antes, iha akordu foun ne’e SEJD sei inkaisa mos Liga Futebal Amadora (LFA) iha laran.

“Ami sei iha perioridade asuntu internu ne’ebe ita tenki trata, tanba ne’e mak ami iha planu inkontru lai ho federasaun, klubu no LFA uluk tia para hodi hetan idea, hanoin no solusaun ruma ba planu sira ne’e hotu, i depois mak ami foin hakat fali ba Spanyol para hasoru malu ho Fundasaun Real Madrid hodi hare’e akordu ne’e” hatete, Sekretaria de Estado Joventude no Desportu (SEJD) Leovigildo da Costa Hornai.

Leo hatutan, akordu ne’e atu habelar liu tan kooperasaun ne’ebe iha ona hodi reforsa liu tan LFA iha laran! Tanba LFA mos iha artigu/kauza ida ne’e koalia konaba papel no rezistensia LFA nian iha ambitu kooperasaun no akordu. “Hau halo ona distribuisaun dokumentus sira ne’e ba ona Presidente LFA, para sira nia ekipa hodi hare’e konaba sira nia pozisaun no intensaun husi kooperasaun ida ne’e, i depois para sira lori fali mai hodi ita halo hamutuk formulasaun ida diak ba ita nia versaun rasik, para depois hodi ita lori ba iha Fundasaun Real Madrid”tenik SE ne’e ba Jornalista BT iha k’nar fatin sional Dili, segunda-feira (30/01).

Leo reafirma katak, atu lori dokumentus sira ne’e hodi ba Fundasaun Real Madrid para realiza ona akordu refere, tuir nia hakarak sedu! Ne’ebe tuir lolos lao ona iha fulan Ne’e, maibe tanba iha asuntu internu ne’ebe Nia persija rona lai opiniaun no ideas husi LFA, Klubu no FFTL, tanba ne’e mak fulan Janeiru ne’e seidauk lao, inklui mos governu sei realiza uluk lai inkontru triparti entre FFTL, LFA no Klubu hodi diskusi konaba rout mar ba iha kongresu FFTL.

Idea kongresu ida ne’e mosu wainhira FFTL halo inkontru urjenti ho SEJD, ne’ebe mak iha inkontru ne’e membru ezekutivu FFTL sira imforma katak FFTL sei realiza kongresu entre fulan Marsu ou Abril, i iha atual ne’e Presidente FFTL lai mai tanba nia sei halo hela tratamentu iha Singapura, maibe wainhira membru ezekutivu sira ne’e halo kontaktu ho Presidente, nia aseita konaba realizasaun kongresu ne’e.

SE realsa liu tan katak, rajaun SEJD nafatin hili Fundasaun Real Madrid, permeiru tanba sei iha memoria instituisional, tanba iha ona akordu antes! Ho ida ne’e mak hakarak buka atu faloup diak liu tan akordu ida ne’e, segundu hakarak reintera katak akordu ida ne’e iha mudansa, tanba SEJD hakarak hatama LFA iha laran, no FundasaunReal Madrid rasik mos aseita ida ne’e, tanba timor iha Liga! Maske liga ne’e rasik ho karakter natureza amadora, maibe ba futuru timor mos hakarak dezenvolve liu tan liga ida ne’e sai prestizu no kompetetivu, tanba ne’e mak SEJD hakarak aprende! Alende vijita Real Madrid SEJD mos talvez tenta atu hakat mos ba iha klubu sira seluk ne’ebe ejisti iha Portugal, para atu buka gania esperensia diak liu tan konaba liga ne’e rasik.

“Konaba progresu husi Fundasaun Real Madrid ne’ebe oras ne’e ejisti hela iha timor, finalmente ita foin konsolida didiak fila fali buat ne’ebe mak iha, tanba husi prinsipiu ida katak ita tenki hadia, hadia, hadia, no buat ne’ebe mak iha tia ona ita buka para reforsa hodi hadia diak liu tan, tanba ita iha ne’e iha Fundasaun Sosio Real Madrid, Centru Juvenil, inklui klubu sira seluk ne’ebe iha akademia, tanba ne’e mak ita

Business Timor