Sekretáriu-jeral
Fretilin nian no prezidente hosi rejiaun espesial Oecusse-Ambeno admiti ona
katak senti hakfodak tanba lakon iha votasaun iha rejiaun hosi kandidatu hosi
nia partidu, Francisco Guterres "Lu-Olo", ne'ebé maka manán
prezidensial timoroan nian.
"Ha'u
la hein rezultadu hanesan ne'e maibé hein ida ho naran 'all-out'", Mari
Alkatiri hatete iha deklarasaun sira ba Lusa, hodi refere katak hanesan buat
ne'ebé nia hanaran uniaun ba esforsu sira hodi halakon Fretilin iha rejiaun
ne'e.
Iha
nasuan, partidu prinsipal rua, Frente Revolucionária do Timor-Leste
Independente (Fretilin) ho Conselho Nacional de Resistência Timorense (CNRT),
apoia ona "Lu-Olo" maibé iha rejiaun espesial, ne'ebé halo parte iha
teritóriu indonéziu no ne'ebé nia prezidente maka sekretáriu-jeral hosi partidu
istóriku timoroan nian.
"Saida
maka sei akontese maka aliansa iha nível nasional sei hanesan buat ida no iha
Oecusse bele sai oinseluk. Ha'u hatete ne'e iha nível partidu nian", nia
hatete iha deklarasaun sira iha festeju ba vitória hosi kandidatu Fretilin nian
iha loron-segunda ne'e, prezidente partidu Francisco Guterres
"Lu-Olo".
Alkatiri
hatete ona katak nia explika tiha ona iha partidu katak estratéjia hosi
adversáriu polítiku sira maka, "importante liu, evita atu uza Oecusse
durante kampaña" ba eleisaun lejislativu sira iha fulan-Juñu "hanesan
elementu pozitivu hosi governasuan Fretilin nian".
Bainhira
Lusa husu kona-ba rezultadu ne'e, prezidente eleitu, Francisco Guterres
"Lu-Olo", hatán diretu liu hodi konsidera katak iha "ema sira
hosi CNRT ne'ebé maka envolve diretu hodi halo kampaña" hasoru nia
kandidatura iha rejiaun ne'e.
Iha
nível nasional, Fretilin ho CNRT halibur hamutuk iha apoiu ba
"Lu-Olo".
Rezultadu
parsial ida hosi eleisaun sira loron-segunda nian ne'ebé hamosu liu debate
durante loron-tersa ne'e maka relasionadu ho votasaun iha Rejiaun
Administrativu Espesial Oecusse-Ambeno, ne'ebé prezidi hosi Mari Alkatiri.
Maski
iha tinan ikus ne'e haruka osan dolar millaun resin iha investimentu públiku
sira, iha projetu sira ne'ebé iha ona prezensa hosi Mari Alkatiri - no ne'ebé
iha ligasaun ho Fretilin - "Lu-Olo" lakon iha rejiaun ne'e.
Lakon
mínimu ida ho Lu-Olo hetan votu hamutuk 13.976 (46.06%), ki'ik ituan hosi
António da Conceição, klasifikadu daruak iha eleisaun sira loron-segunda nian,
no ne'ebé iha Oecusse hetan votu hamutuk 14.148 ka 46.62%.
Iha
jeral no ho kontajen ne'ebé besik hotu ona - kontajen hosi votu sira hamutuk
96,41% - Lu-Olo hetan ona votu hamutuk 287.366 ka 57,52% hasoru 160.552 ka
32,13% ne'ebé hetan hosi klasifikadu daruak, António da Conceição, ne'ebé
halakon José Luis Guterres, iha pozisaun datoluk, ne'ebé hetan votu 160.552 ka
32,13%.
Iha
ámbitu seluk, Alkatiri rejeita ona komentáriu sira ne'ebé hatete katak ema
tenta identifika Fretilin ho jerasaun tuan, hodi fó hanoin katak "iha
joven rihun 60 resin ne'ebé hanesan membru sira juventude partidu nian, entre
tinan 17 to'o 30".
"Haree
de'it iha kampaña sira hodi haree katak maioria hanesan joven sira. Ne'e fó mai
ha'u satisfasaun boot tebes", nia konsidera.
Hanoin
ba eleisaun lejislativu sira, Alkatiri hatete ona katak rezultadu hatudu katak
populasaun kontinua favorese ideia konsensu nain, hosi diálogu no unidade
nasional, maibé ne'e la implika koligasaun pré-eleitoral ruma.
"Rezutadu
ne'e hanesan importante, tanba hafoin tinan hirak ne'e konsege afirma fali
sentidu ida justisa nian, ne'ebé Prezidente Repúblika maka prezidente Fretilin
nian", nia hatete iha referénsia ida ba prezidente na'in rua uluk nasaun
nian, hafoin proklamasaun unilateral independénsia Timor-Leste nian iha 1975,
maka hanesan líder sira Fretilin nian.
"Naturalmente
ami tenki hanoin katak polítika inkluzaun ne'e tenki kontinua hodi permiti
hametin dame no estabilidade no lori dezenvolvimentu ba oin", nia afirma
ona.
SAPO
TL ho Lusa
Sem comentários:
Enviar um comentário