DILI,
(TATOLI) - Majór Jenerál Lere Anan Timur observa katak, Partidu CNRT ho
Partidu Libertasaun Popular (PLP), nu’udar partidu ida ne’ebé depende liu ba
figura Kay rala Xanana Gusmão ho Taur Matan Ruak maibé Partidu Fretilín nu’udar
partidu Istóriku.
“Bainhira
Xanana la iha CNRT, CNRT la halo buat ida. Taur la iha PLP, PLP mós la halo
buat ida. FRETILIN, partidu istóriku, tanba ida ne’e imi mate restu 12
Novembru, ami mate restu ai-laran ninian, bainhira sira ukun povu Timor-Leste,
povu Timor-Leste sei tane nafatin,” Majór Jenerál Lere Anan Timur hato’o iha
Sentru Konvensaun Dili, ohin, Tersa (07/11) bainhira partisipa iha kongresu
nasionál 12 Novembru ba daruak.
”Iha
eleisaun, partidu balun manan, partidu balun lakon. Manan ne’e la’ós tanba nia
polítika mak di’ak i tanba nia ema mak barak, tanba de’it figura.”
Lere
husu atu mate restu 12 Novembru, ho mate restu ai-laran ninian tenke hamutuk
hodi husu ba prezidente repúblika atu fó kna’ar ba komandu anteriór rejiaun iha
tempu rezisténsia hodi asegura situasaun iha ida-idak nia rejiaun, relasiona ho
situasaun polítika ohin loron nian.
Basa
ohin loron, ema ne´ebé la gosta ema rezisténsia, la gosta nafatin, hakarak fahe
ema rezisténsia, hodi iha biban atu sira atu ukun rai Timor.
Tanba
ne’e, hanesan veteranu, tenke asegura dignidade, prestíjiu maun-boot sira nian
tan sira mak promotór ba ukun rasik.
Maun-boot
sira mak hanesan, Kay Rala Xanana Gusmão, Mari Alkatiri, Ramos Horta, Abílio de
Araújo inklui mós sira seluk tan.
“Ha´u
akompaña situasaun polítika, ha’u mós estuda kondisaun polítiku sira nian,
semak ko´alia polítika loos, se mak uza polítika atu benefísiu nia aan,” majór
jenerál FALINTIL-FDTL (Força da Defesa de Timor-Leste) dehan.
Nia
dehan, veteranus sira ohin loron, presiza hamutuk iha pozisaun ida. Frente
Diplomátika nia ema sira mós sei moris hamutuk ho ita, Frente Armada mós sei
moris, Frente Klandestina sei moris, asegura sira-nia dignidade, lakohi ema ida
book sira-nia dignidade.
Ohin
loron Akompaña iha Parlamentu Nasionál ne’ebá, sira dehan preokupa povu nia
moris, sira balun preokupa oitenta oito mai oin, setente cinco,
seis, sira sei toba hela. Sira hirak ne’e preokupa dezde setenta quatro to’o
mai ohin loron no sei preokupa nafatin.
Ho
ida ne’e, di’ak liu mak ita hamutuk dudu maun na’in hira ne’e ba oin atu husik
sira ukun rai ida ne’e lai. “Lalika fiar ba partidu, lalika fihir ba partidu.”
Ohin
loron demokrasia, ita hotu-hotu “tebe rai”, uluk ami iha ai-laran ami-nia
interpretasaun ba demokrasia oin seluk katak desizaun ida foti maibé serbí
interese ema hotu nian.
“Oportunidade
di’ak ba ha’u atu apela ba ita hotu, mate restu 12 Novembru, hamutuk mate restu
ai-laran nian suporta ita-nia maun na’in haat, lima ukun lai,” nia fó hanoin.
Majór
Jenerál Lere Anan Timur mós hateten katak nia preokupa liu mak akontese krize
polítika tanba ohin loron iha ema ko’alia kona-ba eleisaun antesipada.
Bainhira
krize polítika sai boot sei mosu estadu falladu. Estadu falladu sei mosu mak
“Adeus” independénsia. Tanba ne’e, husu mate restu sira suporta ita-nia maun
sira.
“Ha’u
nu’udar responsavel seguransa ninian, ha’u-nia apelu mak ne’e; ami lakohi forsa
armada no polísia nasionál Timor-Leste loron ida ema kondena katak viola
direitu umanu,” Lere fó sai atensaun.
Reforsa
mós katak: “Viola porque é necessário maibé ita buka prevee, buka
evita atu forsa rua ne’e bele viola direitu umanu.
“Husu
ba Loriku Asuwa’in matan moris nafatin, hamutuk nafatin, ida ne’e mak
importante. Quanto mais unido, já mais será vencido, ita hamutuk dudu
ita-nia maun sira,” Majór fó hanoin tan tanba hatene ona ema ne’ebé uluk la
gosta ema rezisténsia kontinua buka atu fahe rezisténsia sira.
Jornalista:
Rafy Belo | Editór: Manuel Pinto
Sem comentários:
Enviar um comentário