Enkontru públiku kona-ba Governu Timor nia polítika empréstimu no jestaun deve públiku

Konvite atu partisipa iha enkontru públiku kona-ba Governu Timor-Leste nia polítika empréstimu no jestaun deve públiku

Ho respeitu,

La’o Hamutuk nudár organizasaun naun-governmentál (ONG) lokál ida ne’ebé halo monitorizasaun, peskiza no analiza kona-ba prosesu no polítika dezenvolvimentu sira iha Timor-Leste dezde tinan 2000. La’o Hamutuk fiar katak povu tomak, feto no mane, mak tenke sai autór prinsipál iha prosesu dezenvolvimentu ne’ebé tenke ekitável, sustentável, demokrátiku no transparente.

Liu dékada ida ona, La’o Hamutuk halo peskiza no analiza kona-ba Timor-Leste nia deve públiku no Governu nia polítika empréstimu, no Governu asina tiha ona kontratu empréstimu lubuk ida ho ajénsia internasionál sira. Tanba Timor-Leste nia reseitas husi mina no gas besik hotu ona, no Estadu seidauk iha fonte seluk ne’ebé bele substitui mina, La’o Hamutuk hanoin katak importante ba povu atu bele komprende kona-ba Governu nia polítika no planu atu jere deve públiku iha futuru.

Tanba ne’e, ami hakarak konvida ita boot mai enkontru públiku ida atu aprende hamutuk kona-ba rezultadu peskiza ne’ebé La’o Hamutuk halo kona-ba asuntu importante ida ne’e, no mós atu rona perspetiva Ministériu Finansas nian kona-ba jestaun deve públiku no polítika empréstimu.

Enkontru públiku ida ne’e sei realiza iha:

Data  : Tersa-feira, 14 Novembru 2017

Oras  : 08:45 – 12:00

Fatin : Salaun Enkontru, Asosiasaun-HAK, Farol, Dili

Ami espera ita boot bele mai partisipa iha eventu ne’e, atu nune’e ita hotu bele komprende di’ak liu tan kona-ba asuntu deve públiku no empréstimu ne’ebé sai hanesan kestaun importante ida iha ita nia rain.

Obrigado wain.

Juvinal Dias

Koordenadór La’o Hamutuk

Ajenda