Dosente
ho investigador hamutuk na'in ruanulu resin hosi Xina, Vietname, Tailándia,
Makau ho Portugal sei hala'o debate, iha loron-kinta no loron-sesta, iha Makau,
kona-ba ensinu lian portugés hanesan lian estranjeiru.
"Aumentu
maka'as ba ema sira ne'ebé buka formasaun iha Lian Portugeza (...) estimula no
sujere promosaun hosi espasu hodi fahe esperiénsia sira nian no reflesaun
kona-ba abordajen sira ba ensinu lian Portugés hanesan Lian Estranjeiru",
haktuir hosi komunikadu ida hosi Institutu Portugés hosi Oriente (IPOR),
promotor hosi inisiativa hamutuk ho Universidade Porto nian.
Enkontru
datoluk hosi Pontu sira hosi Rede Ensinu Portugés Lian Estranjeiru nian iha
rejiaun oriental no sudeste aziátiku sei halibur dosente no investigador na'in
25 hosi instituisaun sira ensinu superior no hosi rede ensinu portugés nian iha
estranjeiru, iha debate ida "ne'ebé nakloke tomak ba dosente sira hosi
instituisaun no eskola sira seluk ne'ebé hakarak asisti mós no halo parte iha
reflesaun sira", refere hosi komunikadu.
Aleinde
reforsu hosi koperasaun ho dosente no instituisaun sira iha rejiaun, enkontru
hakarak kontribui mós ba papel hosi Rejiaun Administrativu Espesial Makau nian
(RAEM) hanesan plataforma ensinu portugés nian no iha ligasaun ho nasaun
luzófonu sira, indika.
Ba
parseria foun ne'ebé halo ho Universidade Porto sei hamutuk mós, iha tinan
2018, Universidade Coimbra, haktuir hosi komunidade IPOR nian.
SAPO
TL ho Lusa
Sem comentários:
Enviar um comentário