Xina kritika Austrália tanba hakarak bandu interferénsia estranjeira iha nia polítika interna

Diplomasia xineza kritika ona, iha loron-kuarta ne'e, Austrália tanba hakarak bandu interferénsia estranjeiru iha nia polítika doméstika, desizaun ida ne'ebé motivadu iha parte balun tanba envolvimentu Rúsia nian iha eleisaun norte-amerikanu nain no aumenta influénsia hosi Xina.

Primeiru-ministru australianu, Malcolm Turnbull, hatete iha semana ne'e katak nia governu sei atualiza lei sira kona-ba espionajen no traisaun no bandu donativu sira hosi ema estranjeiru sira ba organizasaun polítika australianu sira, hodi evita interferénsia sira iha polítika nasaun nian.

Anúnsiu mosu iha tempu ne'ebé EUA investigasa hela deskonfiansa hosi interferénsia Rúsia nian iha nia eleisaun sira no aumentu preokupasaun sira kona-ba osan no influénsia xinés sira nian iha polítika australianu.


"Poténsia estranjeiru sira hala'o hela tentativa sira ne'ebé maka nunka akontese no iha influénsia maka'as iha prosesu polítiku, iha ne'e no iha estrajeiru", Turnbull hatete ba jornalista sira iha loron-tersa.

Iha semana liubá, senador hosi opozisaun Sam Dastyari sai ona tanba husu donativu sira ba emprezáriu xinés ida, asaun ida ne'ebé bele sai hanesan krimi bainhira avansa ho proposta hosi Turnbull.

Iha komunikadu, embaixada xineza iha Canberra afirma katak "Xina laiha intensaun hodi interfere iha asuntu internu sira Austrália nian ka halo influénsia iha nia prosesu polítiku liuhosi donativu sira".

Iha nota hanesan, xanxelaria xineza hatete katak dezeja atu Austrália haree relasaun bilateral sira ho dalan objetivu.

Tuir lejislasaun foun, sei konsidera hanesan krimi halo atuasaun ho benefísiu hosi entidade estranjeiru ida, hodi influénsia prosesu polítiku ida ka governamental.

Lei ida seluk sei bandu donativu estranjeiru sira ba entidade polítika australianu sira.

Dastyari husu ona donativu sira ba emprezáriu xinés Huang Xiangmo hodi ajuda despeza pesoal sira. Iha konferénsia imprensa ida, halo ba de'it jornalista xinés sira, senador australianu la fó onra ba polítika australianu ba reklamasaun teritorial sira hosi Pekin iha Tasi Súl Xina nian.

Governu australianu defende mós afastamentu Dastyari nian, tanba fó ba Huang konsellu kontraespionajen sira, bainhira iha tinan liubá hatete ba emprezáriu katak nia husik telemóvel iha nia mansaun iha Sidney bainhira sira ba ko'alia iha liur.

Komunikadu hosi embaixada xineza afirma katak notísia sira ne'ebé avansadu hodi imprensa lokal "reflete histeria típiku no paranoia anti-Xina" no "estraga Austrália nia reputasaun hanesan sosiedade multikultural ida".

SAPO TL ho Lusa