Polisia la autoriza jornalista
filma no hasai foto ba pasa revista ne’ebé mak hala’o iha área Embaixada
Portugál nia oin besik Palasiu Governu iha Domingo kalan.
Iha kalan ne’e akontese, wainhira
polisia hala’o hela pasa revista ba motorista sira ne’ebé mak halo movimentu
iha tempu kalan iha fatin ne’ebá.
Iha atuasaun ne’e polisia mós
konsege atua motorizada rua ne’ebé mak halo movimentu maibé ho la uza kapaseti.
Wainhira polisia hapara motorista
sira ne’e, maibé motorista sira ne’e obriga ba deit
Maibé ho elementu polisia sira
ne’ebé barak nune’e konsege hapara duni motorista rua ne’e, maibé motorista rua
ne’e reajen hasoru polisia nia atuasaun.
Ho akontesimentu ne’e halo
movimentu iha kalan ne’e tenki akontese engarafamentu naruk, entre diresaun
Seroja tesik ba Palásiu Governu oin.<br />
Iha momentu ne’e Jornalista GMN
mós to’o iha fatin, hodi filma situasaun.
Maibé hetan impedimentu husi
polisia sira, no obriga jornalista ne’e atu apaga imajen, maski Polisia sira
obriga jornalista ne’e hasai nia dokumentu hanesan kartaun (ID Card)
jornalista.
Tanba ho presaun ne’ebé mak
polisia sira halo ba jornalista ne’e, nune’e jornalista konsege halakon tiha
imajen ida, ne’ebé mak konaba, polisia sira kaptura motorista rua ne’e, hodi
hatama iha kareta Polisia nian.
Iha akontesimentu ne’e polisia
konsege kaptura motorista rua ne’e, no konsege lori ba eskuadra Polisia.
To’o notisia ne’e fo sai seidauk
hetan konfirmasaun husi parte polisia.
GMN TV | Grupo Média Nacional
Sem comentários:
Enviar um comentário