DILI, (TATOLI) - Órgaun Ezekutivu
Liga Futebol Amadora (LFA) liuhusi reuniaun extraordináriu ne’ebé prezide hosi
Prezidente LFA, Nilton Gusmão dos Santos nomós Sekretáriu Ezekutivu, Sérgio
Hornai hamutuk ho diresaun hotu deside atu hahú hikas kompetisaun ba époka
datoluk ne’e iha primeira semana marsu mai.
“Desizaun LFA tuir rezultadu
reniaun ne’ebé maka hala’o iha D’City Hotel, Bebora, domingu kalan (04/2/18)
maka ne’e, jogu ba Primeira Divizaun sei hahú hikas ho abertura iha 3 Marsu oin
mai no sei hala’o iha Estádiu Malibaka, Maliana,” haktuir Mídia LFA ne’ebé
Ajénsia TATOLI asesu iha segunda ne’e.
Razaun abertura ne’e hala’o iha
Estádiu Maliana, tanba haree ba kondisaun kampu iha Dili ne’ebé oras ne’e iha
hela faze reabelitasaun.
Jogu abertura ne’ebé maka sei
hala’o iha loron 3 Marsu ne’e, sei jogu entre ekipa Kampiaun Primeira Divizaun
époka 2017, Karketu Dili FC kontra ekipa promovidu ba Primeira Divizaun 2018,
DIT FC.
Iha fatin hanesan, estrutura LFA
mós deside jogu Segunda Divizaun ba dahuluk ne’ebé maka sei hala’o iha Kampu
Demokrasia sei joga entre ekipa promovidu rua ba Segunda Divizaun époka 2018,
FC Lalenok United kontra Fc Lero iha tersa (06/3/18) no kontinua hikas iha
kuarta (07/3/18) entre ekipa promovidu ba Segunda Divizaun, Fitun Estudante
kontra Kablaki FC (Same).
Órgaun Ezekutivu LFA mós fó tan
tempu semana ida (hahú hosi segunda (05-09/2/18) ba iha klube 20 ne’ebé
maka seidauk kompleta sira nia dukumentus iha Diresaun Verifikasaun atu bele
kompleta liu-tan.
Jornalista: Xisto Freitas | Editór:
Manuel Pinto
Sem comentários:
Enviar um comentário