Orsamentu EA Foti Husi Duadesimu

DILI - Ministru Planu e Finansas Rui Gomes hateten, Ministeiru Planu e Finansas tenke halo ezersisiu para osan iha, tanba orsamentu ba eleisaun antisipada foti husi dua desimu.

“Klaru orsamentu ba eleisaun antisipada foti husi orsamentu dua desimu, uma ves ke Prezidente da Republika dekreta tiha ona eleisaun antisipada nia data, ministeiru planu e Finansas tenke halo ezersisiu para osan nee iha, neebe laiha problema,” dehan Ministru Planu e Finansas, Rui Gomes, ba jornalista sira, iha Edefisiu MF, Dili, Kinta (08/02/2018).

Nia dehan, Ministeiru Planu e Finansas simu proposta balu husi STAE CNE, PNTL no sira seluk, maibe Ministeiru sei revei fali numeru sira nee para atu bele ajusta ho didiak.

Responde konaba funsionariu balu seidauk simu salariu, Ministru Planu e Finansas Rui Gomes hateten, horseik Ministeiru foin simu prosesamentu salariu ema rihun haat resin, laos Ministeiru maka defikulta, maibe husi linas Ministeriais sira verefika ema rihun haat ka lima maka seidauk simu salariu.

Eis Kasa Silvil iha eis Prezidente da Republika Taur Matan Ruak nia tempu nee haktuir tan katak, total orsamentu husi fundu minarai tuir relatoriu banku central iha dizaseis virgule oitu Billoens.

Iha parte ketak Diretor STAE Acelino Manuel Branco hatete, Kuandu Xefi Estadu deklara eleisaun antisipada STAE halo kedan ajustamentu ba planu operasional sira, I planu operasional sira nee STAE ajusta iha proposta orsamentu hodi submete ketan ba iha Ministeiru Planu e Finansas, atraves Ministeiru ESTATAL. 

Carme Ximenes/Maria Lay | Suara Timor Lorosae