Prezidente xinés, Xi Jinping,
aseita ona konviti hosi líder norte-koreanu, Kim Jong Un, hodi vizita
Pyongyang, durante enkontru ida iha Pekin, informa ona hosi ajénsia notísia
ofisial norte-koreanu KCNA iha loron-kuarta.
Hodi Governu ho Partidu
Traballador nia naran, partidu úniku iha poder iha Koreia-Norte, Kim konvida
ona Xi hodi "hala'o vizita ofisial ida ba Koreia-Norte iha momentu di'ak
ida", hatete hosi ajénsia.
"Konvita ne'e aseita ona ho
prazer", hatutan.
Xi Jinping, ne'ebé kaer poder iha
tinan 2013, sai hanesan líder dahuluk hosi Repúblika Popular Xina nian ne'ebé
maka vizita Koreia-Súl antes ba Koreia-Norte.
Maski nune'e, nasaun rua, ne'ebé
uluk halo funu hamutuk iha Funu Koreia nian (1950-1953), kontinua hanesan aliadu
ideolójiku sira no ho interese hanesan iha nordeste Ázia nian - liuliu hodi
hasai tropa norte-amerikanu sira hosi rejiaun.
Kim Jong un hala'o ona, iha
loron-tersa ne'e, vizita istóriku ida ba Pekin, ne'ebé anunsia de'it hosi
autoridade xineza hafoin líder norte-koreanu fila tiha ba Pyongyang.
SAPO TL ho Lusa
Sem comentários:
Enviar um comentário