Xanana Iha Nee Husu Ba Nia, Tanba Sa Maka Laasina Akordu FM

DILI – Primeiru Ministru Mari Alkatiri hateten, se irmaun Xanana iha nee  husu ba nia,  tanba saida nia laasina, labele husu mai Alkatiri, tanba Alkatiri rasik hakarak irmaun Xanana Gusmao maka atu asina akordu Fronteira Maritima.

“Se hau nia irmaun Xanana iha nee hau dehan husu ba nia, imi husu ba nia tanba saida nia laasina, labele husu mai hau, hau rasik hakarak nia maka atu asina, tanba nia dehan lae hau mai iha nee atu fo apoiu politiku, se maka tenke asina membru governu, entaun hau dehan hatudu se nia rasik maka hatudu Agio Pereira, maibe minarai ida nee hau maka sempre sala deit ,” dehan PM Mari, hodi responde ba pergunta neebe mai husi veteranus sira, ba sesaun husu no hatan, iha palestra loron veteranus sira nian, neebe halao iha CCD, Sesta, (02/02/2018).

Maske nunee Xefi Governu  rasik, iha programa VII Governu Koligasaun, kria alta autoridade ba tasi mane, i hanesan Xefi Governu dehan Prezidente ba Alta Autoridade maka Xanana Gusmao, inklui fronteira maritima, greater sunrise, pipe line, kdaoras buat sira nee hotu, nee tau iha VII GK nia programa.

Iha biban nee nia realsa tan katak, Se ema ruma maka dada buat ruma husi Xefi Negosiador, nee laos Alkatiri nia Governu.

Iha fatin hanesan Riak Leman hanesan Veteranus hateten, sira iha resolusaun ida iha nee, atu aprova iha kongferensia ida nee nia laran, para bele apoia maun boot Xanana. 

Notisia kompletu lee iha jornal edisaun Sabado, (03/03/2018).

Carme Ximenes/Maria Lay | Suara Timor Lorosae