DILI - Ministru Defeza no
Siguransa hatoo proposta ba Prezidente da Republika, kontiudu husi proposta nee
maka atu halo promosaun ba Brigadeiru Jenerais iha F-FDTL nia laran, no tempu
badak sei promove ema nain hat ba Brigadeiru, atu nunee bele responde siguransa
rai laran.
Kestaun nee fo sai husi Ministru
Defeza Siguransa, Jose Agostinho Siquera Somotxo ba jornalista Sesta,
(06/04/2018), iha Palasiu Prezidensial Bairru Pite, Dili, bain hira halo
enkontru semanal ho Prezidente da Republika, Francisco Guterres Lu Olo.
“Ohin Hau mai aprezenta ona
Ofisil nain hat nia naran ba Prezidente da Republika, no proposta nee
Prezidente da Republika sei haree, fiar katak iha tempu badak, sei halo
promosaun ba kargu sira nee,”informa nia.
Nia afirma liu tan, promosaun
neebe atu halo nee relasiona ho siguransa ba Fronteira Maritima tanba, too ohin
loron ema hotu preokupa tebes siguransa ba FM nee rasik, tan nee deside ona ema
nain hat ba promosaun Brigadeiru Jeneral.
Hatan ba proposta nee Prezidente
da Republika Francisco Guterres hateten, proposta nee nia rasik simu ona tanba
nee, iha tempu badak sei hetan resposta.
Notisia kompletu lee iha jornal
STL edisaun Sabado, (07/04/2018).
Madalena Horta | Suara Timor
Lorosae
Sem comentários:
Enviar um comentário