DILI, (TATOLI) – Portavós
Aliansa Mudansa ba Progresu (AMP), Taur Matan Ruak husu ba populasaun iha
munisípiu Aileu atu kontribui fó votus iha Eleisaun Antisipada (EA) nu’udar
papél sidadaun di’ak.
“Eleisaun Antesipada (EA) nu’udar
tempu osan mean, labele soe, ita tenke vota tanba vota determina ita nia
moris,” Prezidente Partidu Libertasaun Populár (PLP), Taur Matan Ruak
hato’o iha ámbitu konsolidasaun iha Munisípiu Aileu, ohin.
Tuir Taur Matan Ruak, sidadaun
di’ak tenke kontribui votu, balun ba vota dadeer no ba loro kraik tanba iha
eleisaun kotuk Munisípiu Aileu eleitór hamutuk ema na’in 5.167 mak la konsege
vota.
Tanba ne’e, Eis Prezidente
Repúblika ne’e husu ba inan aman sira tenke kontribui votu iha EA, hodi nune’e,
indireitamente kontribui ona ba iha polítika fó subsídiu hanesan osan terseira
idade nian, no bolsa da mãe no seluk tan.
“Husu ba inan aman sira katak
di’ak ka at tenke ba vota tanba votu bele determina ita nia futuru.” Taur husu.
Ba Taur eleisaun antesipada
hanesan osan mean hodi determina povu nia moris. Eleisaun Antisipada mós importante
tebes, tanba ne’e ema hotu tenke vota atu labele akontese tan eleisaun iha
fulan ualu mai tan.
Jornalista : Zezito Silva | Editór
: Manuel Pinto
Imajen: Prezidente Repúblika,
Taur Matan Ruak bainhira aprejenta visaun iha aula jerál Universidade Dili,
foin lalais ne'e. Foto Tatoli
Sem comentários:
Enviar um comentário