HAK Husu Tau Atensaun Ba Autoridade Judisiariu

DILI - Relasiona ho seguransa ba autoridade judisiariu sira, Asosiasaun Sosiedade Sivil (HAK) husu atu tau atensaun ba autoridade judisiariu sira, hanesan fo apoia seguransa ba Juiz, Defensor Publiku, nomos Ministeriu Publiku.

Tuir Diretor Ezekutivu HAK, Manuel Monteiro katak, iha tempu uluk liu ba autoridade judisiariu sira ladun preokupa ba seguransa, maibe sira preokupa liu ba rekursu umanu, sira preokupa ba fasilidade atu apoiu sira nia servisu, maibe la signifika katak seguransa ba autoridade judisiariu la importante.

“Juis sira tenke seguru hodi halao sira nia servisu, bainhira Juis sira halao sira nia knar iha Tribunal, se enkuantu sira sente la seguru ba desizaun neebe sira foti iha prosesu julgamentu nia laran, entaun sira sente tauk ba desizaun neebe sira foti bele afeita ba lia los justisa nian,” dehan Manuel liu husi via telefone  Kinta, (06/09/2018).

Nia hatutan, iha Juis balun hetan perturbasaun husi ema, ida nee mos bele fo ameasa ba sira, maibe autor judisiariu sira  la dun kestiona ba seguransa, tanba sira ba hasoru Juis administrador la koalia konaba, Juis sira nia seguransa.

Iha fatin ketak, Akademika UNTL Mario Martins hateten, seguransa ba Juis sai mos hanesan parte importante ida, tanba nee presija tau atensaun ba kestaun ida nee. 

Notisia kompletu lee iha jornal STL edisaun Segunda (10092018) 

Terezinha De Deus | Suara Timor Lorosae