Primeiru-ministru Shinzo Abe
atualiza numeru ba ema mate ba na'in sia tanba rai-nakdoko ho magnitude 6,7
ne'ebé maka atinji iha loron-kinta ne'e iha illa Hokkaido, iha Japaun, ne'ebé
maka rezulta mós ema kanek hamutuk na'in 350 resin.
Rai-nakdok ne'e kauza dezenas
deslizamentu rai nian ne'ebé hakoi tiha uma barak.
Ekipa rezgate sira buka hela
sobrevivente sira ne'ebé iha ruina sira ne'e no iha rejistu ema lakon hamutuk
na'in 30 resin.
Hela-fatin hamutuk millaun tolu
resin la iha eletrisidade, tranzporte públiku sira paralizadu no eskola sira
taka hotu.
Primeiru-ministru japonés, Shinzo
Abe, hatete katak soldadu hamutuk rihun 25 no funsionariu sira seluk sei
dezloka ba rejiaun ne'e hodi ajuda iha operasaun rezgate ne'e.
Sentral Nuklear Tomari, iha
Hokkaido, uza jeradór emerjénsia hodi halo malirin kombustivel, hafoin hakotu
tiha enerjia ne'ebé afeta Hokkiado.
Rai-Nakdoko akontese iha
kilometru 62 iha sudeste kapital rejional, Sapporo, ho klean kilometru 40, iha
de'it loron rua hafoin tufaun ida iha rejiaun oeste Osaka nian.
Réplika ida ho magnitude 5,3 rejista
iha momentu balun hafoin iha Hokkaido.
SAPO TL ho Lusa
Sem comentários:
Enviar um comentário