DILI - Klinika Bairro Pite
(KBP) hetan apoiu osan hamutuk $49,350 husi lideransa karismatiku Kay Rala
Xanana Gusmao, hodi suporta atendementu saude ba komunidade sira neebe halo
tratamentu iha klinika refere.
Tuir Manajer Klinika Bairro Pite
(KBP), Inasio dos Santos katak, konaba atendementu internamentu seidauk
funsiona hikas, maibe atendementu konsulta ambolatorio kontinua lao.
“Foin lalais ami hetan apoiu osan
$49,350 husi lider istoriku Kay Rala Xanana Gusmao hodi uza ba fulan balun nia
laran, no iha mos apoiu balun husi duadores sira iha rai liur,” hateten Inasio
ba STL iha nia knar fatin Klinika Bairro Pite, Tersa (04/09/2018).
Nia sublina, iha oportunidade ida
nee sira mos husu ba lider istoriku atu ajuda koalia governu, liu-liu entrega
Klinika Bairro Pite, iha Orsamentu Jeral Estadu hodi bele garantia nia
sunsentabilidade.
Iha fatin hanesan Pasiente Carmen
da Costa neebe konsulta iha Klinika Bairro Pite, hatoo agradese ba ema sira
neebe ajuda ona klinika, hodi fo atendemntu saude ba iha komunidade kbiit laek
sira neebe presiza asistensia saude.
Notisia kompletu lee iha jornal
STL edisaun Kuarta (05092018)
Jeniche da Costa | Suara Timor
Lorosae
Sem comentários:
Enviar um comentário