Governu timoroan aprova dekretu ezekusaun orsamental ho duodesimu

Governu timoroan aprova iha loron-kuarta ne'e, dekretu ne'ebé maka konfirma katak iha tinan rua tutuir malu ne'e, Estadu komesa funsiona iha tinan ne'e ho kondisaun sira ne'ebé limitada tebes, ho rejime ida duodesimal ne'ebé maka sei vigora too aprovasaun ba orsamentu foun.

Dekretu ne'ebé aprezenta hosi ministra interina Finansas, Sara Lobo Brites, ne'ebé maka aprovadu iha reuniaun dahuluk Konsellu Ministru tinan ne'e nian, ne'ebé maka halao iha Palasiu Governu iha Dili.

Iha pratika, rejime duodesimal sei implika katak, fulan-fulan, Governu so bele gasta 6/12 hosi Orsamentu Jeral Estadu nian (OJE) tinan kotuk nian, ne'ebé maka vigora iha final fulan Setembru no ne'ebé maka totaliza osan hamututk dolares millaun 1.279,6.

Iha konkretu, estadu bele gasta, fulan-fulan, besik bolares millaun 106,6.

Semana ne'e, sara Brites hatete ba jornalista sira katak Governu iha konta iha Tezouru besik dolares millaun 296 iha inisiu tinan ne'e, ne'ebé maka implika iha fundus ba pelumenuz fulan rua rejime duodesimal nian.

Rejime duodesimal, ne'ebé maka nasaun ne'e enfrenta durante fulan sia dahuluk tinan kotuk nian - konsekuénsia hosi impase politiku ne'ebé maka nasaun ne enfrenta too agora - tenki aplika fali tanba OJE ba tina 2019 sei apresia hela hosi xefe Estadu.

Aplikasaun rejime ne'e garante pagamentu ba salariu sira, bens no serbisu, kapital dezenvolvimentu ba projetu sira ne'ebé lao hela no tranferénsia publika sira, hanesan pagamentu pensaun sira ba veteranu no idozu sira.

Prezidente Republika, Francisco Guterres Lu-Olo, hahú semana ne'e ho ronda kontatu ho kuadru sosiedade timoroan sira iha ámbitu ba ninian prosesu apresiasaun proposta OJE nian ba tinan 2019.

Iha meza Prezidente Republika nian iha OJE ne'e boot ho valor dolares billiaun 2,13 ne'ebé maka aprova ho 40 votus a favor no 25 kontra iha loron 22 Dezembru, no ne'ebé maka entrega ba xefe Estadu iha véspera Natal nian.

"Avalia hela dimensaun hotu-hotu. Ha'u sei kumpri prazu konstitusional", hatete Prezidente Republika ba Lusa, iha deklaraun kiik ida.

Konstituisaun timoroan nian fó xefe Estadu loron 30 hodi avalia diploma, ninian desizaun tenki komunika ba Parlamentu Nasional too loron 23 Janeiru no, karik promulga, diploma ne'e sei publika iha Jornal Republika.

Ida ne'e tau fin kedan ba rejime duodesimal iha konta publika sira.

Karik vetu prezidensial nian, proposta OJE sei ba fali Parlamentu Nasional onde maka tenki aprova fila fali ho "maioria 2/3 hosi deputadu sira ne'ebé prezente, tenki superior hosi maioria absoluta hosi deputadu sira ne'ebé iha efetividade funsaun nian".

Iha senariu normalidade ida ne'e implika tenki iha apoiu 43 hosi deputadu 65.

SAPO TL ho Lusa