DILI, (TATOLI) – Prokuradór
Jerál Repúblika (PJR), José da Costa Ximenes, lakohi komenta (fó resposta)
kona-ba notifikasaun hosi Ministériu Públiku atu bolu eis Ministru Turizmu,
Francisco Kalbuadi Lay no eis Ministru Saúde, Sérgio Lobo.
Nia hateten lakohi ko’alia ida
ne’e tanba prosesu ne’e agora iha hela faze investigasaun kriminál, tan ne’e
sei sujeita ba segredu justisa.
“Ha’u lakohi fó espetativa balun.
Só ha’u hateten de’it katak interveniente prosesuál. Interveniente prosesuál
ne’e bele arguidu, bele testemuña no bele mós vítima. Sira iha obrigatóriu para
komparese ho autoridade judisiáriu no polisiál”, Ximenes ba jornalista
sira iha Palásiu Prezidente Nicolau Lobato, Bairru Pité, segunda ne’e.
Nia hatutan: “Bainhira ita bolu
(notifika) dala ida maibé sira la mai, ita kontinua bolu dala rua to’o dala
tolu. Sé notifika dala tolu la mai, ne’e sei bolu ho obrigatóriamente”.
“Labele sees mai iha ne’e no sees
ba iha ne’ebá depois ita buka la hetan tiha. Se sira koopera karik la presiza
iha mandadu detensaun”, afirma.
Jornalista: Xisto Freitas | Editora:
Rita Almeida
Imajen: Prokuradór Jerál
Repúblika, José da Costa Ximenes. Imajen António Goncalves
Sem comentários:
Enviar um comentário