FMI: Greater Sunrise hanesan "risku ne'ebé sei mosu maka'as" ba Timor-Leste

Dezenvolvimentu hosi kampu petrolíferu Greater Sunrise nian "konstitui risku ida ne'ebé sei mosu maka'as" iha prazu naruk ba Timor-Leste no presiza iha medida adekuadu sira hodi hamenus risku sira finansiamentu nian, konsidera hosi Fundu Monetáriu Internasional (FMI).

"Iha prazu naruk, dezenvolvimentu hosi kampu sira Greater Sunrise hamosu risku aumentu maka'as ida, kondisiona ba viabilidade tékniku ho ekonómiku no ne'ebé salvaguarda medida apropriadu sira ne'ebé tenki hanoin hodi hamenus risku sira finansiamentu nian", refere hosi relatóriu ida hosi FMI.

Instituisaun subliña katak, maski kampu sira reprezenta "fonte importante ida hosi potensial reseita petrolíferu sira", hanesan "importante ekonomia ida ne'ebé diversifikadu liu hodi kria oportunidade sira empregu nian ba populasaun ida ho tinan laboral no ne'ebé iha kresimentu lalais".

Opiniaun halo parte hosi relatóriu ida ne'ebé divulga ho baze hosi konsulta ida ne'ebé halo iha ámbitu hosi Artigu Dahaat hosi ekipa ida ne'ebé vizita ona Timor-Leste iha final fulan-Marsu.

Prosesu hosi konsulta Artigu Dahaat, refere ba artigu hosi regulamentu FMI nian ne'ebé haree ba konsulta anual sira ba nasaun-membru sira, no ne'ebé halo avaliasaun sira hosi dezempeñu makroekonómiku.

Relatóriu refere katak autoridade timoroan sira konkorda "maka'as kona-ba perspetiva ho risku sira, maibé projeta ona aumentu ida iha prazu médiu ne'ebé aas liu".

"Razaun prinsipal ba diverjénsia maka inkluzaun hosi efeitu pozitivu sira dezenvolvimentu hosi kampu sira Greater Sunrise nian no investimentu sira hosi kapital sira ne'ebé asosiadu", refere.

"Sira hatudu konfiante katak investimentu hosi área sei mosu hanesan impulsionador importante ida hosi kresimentu iha tempu tomak, iha parte balun tanba projetu sira hosi eskala boot (hanesan ezemplu, Tibar Bay Porto, TL Cement ho Pelican Resort) no reforma estrutural sira no legal sira ne'ebé hala'o daudaun hodi hadi'a ambiente jeral negósiu sira nian", nia hatete.

Projetu Greater Sunrise konstitui investimentu boot tebes hosi Governu timoroan, ne'ebé uza ona dolar millaun 650 hosi fundu petrolíferu hodi sosa partisipasaun maioria ida iha konsórsiu ne'ebé sei halo komponente ‘upstream’ nian hosi projetu.

Francisco Monteiro, prezidente hosi petrolíferu Timor Gap - ne'ebé sosa ona partisipasaun hodi Estadu timoroan nia naran - hatete ona katak Timor-Leste hakarak evita uza Fundu Petrolíferu (FP) hodi selu folin sira hosi kapital (CAPEX) to'o dolar biliaun 12 ba dezenvolvimentu hosi projetu gazodutu ba Timor-Leste no prosesamentu iha kosta-súl.

Hafoin hahú produsaun, hein benefísiu finanseiru ida ne'ebé bele hetan dolar biliaun 28, esplika hosi responsável.

Iha nível global, inklui Greater Sunrise, Timor Gap hatete katak nasaun iha potensial ida hanesan ho petróleu hamutuk baril biliaun 6,3 hodi esplora iha tinan 50 oimai, ho valor ida dolar biliaun 378.

Potensial esplorasaun ne'e bele reprezenta injesaun ida hamutuk dolar biliaun 223 iha ekonomia, iha serbisu sira hanesan enjeñaria, dezenvolvimentu, manutensaun ho operasaun sira, ho benefísiu fiskal sira ho rendimentu públiku sira liu dolar biliaun 47.

FMI haree katak to'o konkretiza projetu foun sira, "produsaun petróleu hosi kampu ativu sira iha Tasi Timor diminui hela no sei hotu iha tinan 2022", maski tratadu foun hosi fronteira permanente sira ho Austrália bele "loke dalan ida ba reseita foun sira hosi petróleu ho gás".

Relatóriu nota, agora daudaun tanba défise fiskal di'ak ona ba 19% hosi PIB iha 2017, hosi 35% iha tinan 2016.

"Hanesan rezultadu maka aumentu hosi levantamentu hosi Fundu Petrolíferu (FP) tuun maka'as. Ho reseita petrolíferu sira ho retornu sira hosi investimentu ultrapasa total levantamentu sira nian, saldu hosi FP aumenta ona iha 2017 ba dala uluk dezde tinan 2014", refere.

"Maibé, kondisaun sira hosi merkadu finanseiru global iha final 2018 nian halo atu saldu FP tuun ba dolar biliaun 16", hatete iha relatóriu.

Relatóriu nota katak "tanba iha inserteza barak, reseita sira hosi kampu petróleu nian ho gás hosi Greater Sunrise la reflete iha projesaun sia hosi rikusoin FP nian, ka iha projesaun makroekonómiku sira".

Lusa | SAPO TL