DILI, 07 maiu 2019 (TATOLI) - Ministru
Defeza no Ministru Interiór, Filomeno da Paixão de Jesus, husu ba Komandu
Polísia Nasionál Timor-Leste (PNTL) atu kontinua hatún forsa hodi hametin
siguransa iha bairu hotu-hotu iha kapitál Dili to’o munisípiu.
“Kazu krime sira ne’ebé akontese,
polísia ba atu kaer sira ne’ebé halo krime. Agora tanba saida maka kontinua
mosu krime?,” dehan Ministru Filomeno ba jornalista sira iha Palásiu Governu,
Dili, tersa ne’e, hafoin hala’o enkontru ho Primeiru Ministru, Taur Matan Ruak,
relasiona ho loron hirak liu-ba akontese hana malu no tá malu iha bairru balun
iha Dili.
Nia haktuir, maski foin lalais
ne’e Komandu PNTL hasai kompromisu garante seguransa durante oras 24 nia
laran, maibé krime ki’ik sira kontinua akontese.
“Polísia iha para halo atuasaun
tuir lei no buka tuir autór kaer prosesa tuir lei,” eis Vise Xefe Estadu Maior
F-FDTL ne’e realsa.
Governante ne’e apela ba
populasaun sira, liuliu joventude atu hadook án hosi kazu krime sira, tanba
agora tempu ba joven sira atu tuir formasaun oioin hodi bele hetan serbisu
kontribui ba prosesu dezenvolvimentu.
Jornalista: Eugénio Pereira | Editór:
Xisto Freitas
Imajen: Ofisiál PNTL hosi Unidade
Espesiál Polísia (UEP) bainhira partisipa iha serimónia aniversáriu PNTL ba
dala 19 iha Sentru Formasaun Akademia Polísia, Comoro, Dili, 27 marsu 2019.
Imajen António Gonçalves
Sem comentários:
Enviar um comentário