MOP sei reativa klasifikasaun Empreza

Quintiliano Belo

2021, MOP sei reativa klasifikasaun Empreza sira tuir dekretu lei numeru 27-28/2010 Dezembro.

Quintiliano Afonso Belo, Direitor Nasional de Aprovisionamento MOP hateten katak, Ministerio da Obras Publicas agora dadaun halo hela esforzu hodi reativa fali sistema clasifikasaun empreza sira tuir DL no. 27/2010, 22 de Dezembro.

Kona ba certifikasaun empreza pribadu nuneé bele ezekuta obra ou projeitu governu nian. Hodi nuneé, iha tinan sira liu ba MOP konsege kategoriza emprezas sira kuase besik 700 emprezas. Husi numeru hirak neé MOP konsegue produz ona 697 Certificados ba Empresa de Construção Civil no Empresas de Consultadoria Técnica Civil nebe kobre 13 Municipios tuir Clasifikasaun ida-idak nian.

Maibe, agora dadaun certifikadu neébe sira hetan invalidu ona tamba durasaun ba kada certifikadu tinan rua deit. Tamba neé, Ministro Obras Publika Arch Salvador Eugenio Soares Dos Reis Pires, orienta ona equipa neébe tutela iha DNA nia okos hamutuk ho Gabinete Ministro nian atu bele halo reativasaun ba sistema refere nuneé empreza sira bele halo renovasaun ba certifikadu invalidu (mate) no emite foun ba empraza sira neébe ladauk iha clasifikaasaun.

Katak Director neé iha nia servisu fatin. Hanesan ita hotu hatenen katak, guia de apoui bazea ba lei neébe vigora ita fahe klasifikasaun ba rua mak hanesan; Clasifikasaun premeiru.

EMPRESAS DE CONSTRUÇÃO CIVIL

1. Kategoria A ho numeru 59 emprezas neébe bele ezecuta projecto ho valor $ 1.500.000 ba leten.

2. Kategoria B1 ho numeru 89 emprezas neébe bele ezecuta projecto ho valor $ 750.000 toó $ 1.500.000

3. Kategoria B2 ho numeru 181 emprezas neebe bele ezecuta projecto ho valor $ 250.000 toó $ 750.000) 4. Kategoria C ho numeru 284 empreza neebe bele (ezecuta projecto ho valor $ 25.000 toó $ 250.000. Clasifikasaun segundu.

4. EMPRESAS DE CONSULTADORIA TÉCNICA 1. Kategoria A ho numdru 4 emprezas neebe bele (ezecuta projecto ho valor hanessan iha leten) 2. Kategoria B1 = 2 (ezecuta projecto ho valor hanessan iha leten) 3. Kategoria B2 = 7 (ezecuta projecto ho valor hanessan iha leten) 4. Laiha kategoria C ba Empresas de Consultadoria Técnica.

Total Empresas registados iha Sistema hamutuk 697, husi total ida neé 626 simu ona Certificado no 71 la konsegue hetan Certificado tamba la prenxe requizitos nebe preve iha Decreto lei no. 27/2010, 22 de Dezembro.

Director neé mos aumenta tan katak, Tuir lolos atualizasaun refere hahu fila fali ona iha Janeiro 2020, infelizmente, ami labele halo ida neé tamba ita lao deit ho osan duodessimo. Hodi nuneé implika atu halo manutensaun Sistema Base de Dados molok realiza aktualizasaun.

Maibe MOP liu husi DNA hamutuk ho ajensia sira esforsu nafatin hodi identifika vantagem no dezvantagem sira, nuneé Empresas sira labele sai fali vitima iha kompetisaun nia laran.

MOP mos hare hela oinsa fahe klasifikasaun sira tuir atividade negosiu iha certifikadu neébe serve fo ba empreza no kontrator sira nian hanesan area BEE moos no Sanitasaun inklui Eletrisidade.

Alende ida nee sei halo mos alterasaun balun ba guia de apoui ho baze ba dekretu lei em vigor tuir situasaun no realidade atual ho kolaborasaun maximu husi CCI Timor-Leste.

Quintiliano A Belo

Director Nasional de Aprovisionamento MOP