Prezidente hosi autoridade
Rejiaun Administrasaun Espesial Oecusse-Ambeno (RAEOA), Arsénio Bano, hetan ona
kondenasaun ba kadeia fulan lima, ho kastigu suspensu durante tinan ida, hosi
tribunal ida enklave nian.
Tuir imprensa, Bano ho arguidu
na'in tolu seluk iha prosesu hetan ona kondenasaun ba kastigu suspensu sira
tanba krimi ofensa hasoru integridade fíziku ne'ebé maka tribunal Oecusse fó
hanesan provadu.
Paulo Jorge da Costa Denis hetan
kondenasaun ba kadeia fulan sia, ho kastigu suspensu ba tinan ida, Sanchia
Florência Paixão Bano, kadeia tinan ida, suspensa ba tinan ida ho Luis Armando
Sequeira da Cruz Pina kondena ba kadeia tinan ida ho balun, kastigu suspensa ba
tinan rua.
Aleinde prizaun, juís Hugo da
Cruz determina ona pagamentu hosi indemnizasaun ida ho dolar 700 ba vítima, ho
multa entre dolar 120 ho 70 ba arguidu sira.
Jornal Oekussi Post esplika katak
iha tentativa ida konsiliasaun nian "ne'ebé parte lezadu la aseita",
ho kazu to'o iha tribunal, ne'ebé aleinde sasin sira aprezenta mós foto sira ho
atestadu médiku sira nian.
Kazu, ne'ebé adia dalabarak no
ne'ebé maka rona iha Tribunal Oecusse, iha Juñu, iha ligasaun, tuir esplika
rasik hosi Arsénio Bano ba Lusa, ho tinan 2019 nia laran bainhira nia iha
momentu ne'ebá hanesan prezidente interinu hosi autoridade rejional.
Iha kauza maka kesar agresaun ida
hosi profesor ida.
"Profesor ida ne'ebé ba ha'u
nia rezidénsia - ha'u laiha ne'ebá -, halibur ema barak no bainhira ha'u to'o
iha konfuzaun ho ha'u tenta haketak", Bano refere iha deklarasaun sira ba
Lusa iha fulan liubá.
"Señór lanu no ikusmai halo
kesar agresaun nian. Maibé laiha buat sériu ida. Ha'u hanoin katak iha ema
ne'ebé maka hakarak kahur ne'e ho kestaun polítika sira", nia defende.
Maski iha tentativa oioin maibé
laiha posibilidade atu Lusa kontakta iha loron-tersa ho Arsénio Bano ne'ebé, ho
arguidu sira seluk, nega ona akuzasaun sira iha tribunal.
Sapo TL | Lusa
Sem comentários:
Enviar um comentário